早前有指教育電視（ETV）有機會在今年6月停播，令唔少曾參演嘅藝人都紛紛緬懷過去，曾參與拍攝的唐寧亦趁機拿出當年的劇照回味一番，零變化的樣貌震驚唔少網民！
38歲嘅樣（IG圖片）
8歲嘅佢，證明唐寧完全係凍齡呀！（IG圖片）
唐寧日前於社交網晒出童星時期的劇照，更模仿相中的表情同角度自拍，並留言：「扮自己 #10yearschallenge #20yearschallenge #30yearschallenge」當中見唐寧除了髮型之外，外表幾乎係冇變過，即使已經38歲都仲可以Keep住當年嘅童顏樣，少女味依舊，仲有少少baby fat，真係30年如一日！唔少網友都留言大讚佢係純天然美女，又講笑佢係食防腐劑大：「Original真正的美」、「初戀情人」、「不得了的可愛」。
細細個已經出道（IG圖片）
素顏更清純同靚（IG圖片）
童星出道嘅唐寧，相信好多香港人都睇住佢長大，自小就憑眼大大、標致的五官令人留下深刻印象，過去演出過不少經典的角色，真係由細靚到大。但自從2010年同大13年、有「舞台劇才子」之稱嘅鄧偉傑結婚，唐寧工作量就大大減低，專心照顧一對仔女同家庭，可惜7年後二人最終離婚。之後唐寧一直做單親媽媽湊小朋友，近年佢幕前演出唔多，將更多時間放係慈善工作，希望以身作則，感染一對仔女成為有愛心嘅人。
相關新聞：【娛樂圈清泉】唐寧單親湊仔最重品德 入行30年默默耕耘不為名利
17年離婚的唐寧，現時做單親媽媽湊仔女（IG圖片）
（IG圖片）
唐寧一個女人仔湊兩個小朋友，仲要兼顧其他嘢都幾難，屋企就有個好幫手令佢減輕負擔。唐寧本身就係印尼華僑，所以就選擇自己的同鄉Muji，家傭為唐寧工作近7年，一直盡心照顧患上坐骨神經痛的唐寧媽媽同兩個小朋友，令唐寧成個人安心晒，唔怪得公開佢講過「我相信佢係我第一個工人，亦會係最後一個。」
唐寧媽媽（右）身體唔好，多得家傭細心照顧。（IG圖片）
唐寧早就當Muji係屋企人，之前在Viutv節目《最熟悉的陌生人》，佢仲特地飛到印尼探望Muji的家人，同埋了解佢喺當地的生活，認真有心！
（viu tv影片截圖）
（影片截圖）
撰文：羅慧怡