導演陳嘉上2018年被爆與年輕30年的內地女星夏沫僑拍拖，其後他承認戀情，而父女戀最終在去年6月修成正果，陳嘉上更默認雙喜臨門。今日（16日）陳嘉上正式「登六」，佢亦趁住生日這個開心日子，公布內地妻子為他誕下一女。陳嘉上在微博開心寫道：「感謝大家的生日祝福，恕不一一道謝了🙏🏼🙏🏼🙏🏼。向大家報告，小女兒前幾天出生了。」
陳嘉上的囡囡側面鼻仔好挺直，臉圓圓好可愛，相信是個美人胚子，網友都紛紛留言恭喜陳導，老婆夏沫僑亦即刻轉發陳嘉上的帖文，仲甜爆咁話：「爸比生日快樂，喜提小情人一枚。」
（微博圖片）
陳嘉上「登六」同時報喜，內地太太為佢生左個女（微博圖片）
夏沫僑即時轉發老公貼文（微博圖片）
陳嘉上之前已有過一段婚姻，90年他執導電影《小男人週記II錯在新宿》時，結識有份參演的前港姐陳慧儀，隨之相戀並於1994年結婚，育有兩子女，惟1997年離婚收場，婚姻關係只得3年。
之後陳嘉上一直單身，到去年被發現與內地女星夏沫僑 (Jelly) 相戀時，他即大方承認戀情，又透露同女方已經拍拖一段時間，更一直同居。拍了幾年拖，陳嘉上覺得係時候結婚，不過為拍電影，陳導忙到連求婚同求婚戒指都冇時間準備，更加講到明唔會舉行婚禮，總之一切從簡。但100分老婆一句怨言都冇，對陳嘉上非常包容，就算佢忙於工作冇時間陪伴，夏沫僑亦從來唔會抱怨，可能係呢點成功收服陳導，所以佢都曾經大讚太太善解人意，非常了解佢！
相關新聞：【老夫少妻】魏駿傑大張利華廿年代溝累事？呢對爺孫戀行足11年一地眼鏡
{{hket:inline-image name="TUNGSTAR390917.jpg"}}{{/hket:inline-image}}
陳慧儀為陳嘉上生過兩個仔女（東星娛樂）
陳嘉上的太太夏沫僑在四川出生，畢業於河北傳媒大學，對演戲有濃厚的興趣。她於2011年有份參演由陳嘉上執導的電影《畫壁》，兩人因而結緣，之後亦有演出《四大名捕》電影系列。Jelly亦有拍大陸劇，包括電視劇《真愛謊言》、《大秦帝國》、《我家有個趙大咪》，馬偉豪的作品《蝴蝶公墓》等等。
夏沫僑（微博圖片）
夏沫僑在大陸拍過唔少電影（微博圖片）
撰文：羅慧怡