李楓多年來在劇集和舞台劇上有不少精彩演出，她近日受保險業聯會邀請拍攝一輯有關旅遊保險的教育短片，片中她飾演叫「呂柔寶」之的士司機，以幽默啜核對話與正跟男友鬧交的女乘客交談，身為「御用Mean婆」的李楓在角色上不改其Mean爆的個性，並以尖酸態度道出女乘客對旅遊保險的無知，相信觀眾都會睇到會心微笑。
相關新聞：《愛回家》李楓棄鐵飯碗入TVB受盡侮辱 生瘤忍痛爬地求救全因爛賭夫？
(圖片：網上截圖)
(圖片：網上截圖)
(圖片：網上截圖)
(圖片：網上截圖)
其實李楓的個性是由人生經歷所致，由細到大都面對很多風風雨雨，她早前接受電台節目訪問，她說：「我人生經歷過好多嘢，高高低低，回顧過去都唔敢話欷歔，只能夠講要笑著活下去。」她形容自己爸爸是天生的才子，詩詞歌賦、琴棋書畫樣樣皆精，李楓說：「我有少少遺傳到他，不幸佢鍾意賭錢，後來又有病痛，先係患肺病，之後就精神病，最後悲劇收場，佢坎坷嘅人生對我嚟講係警惕自己，就算係死撐都要撐落去。死撐就係明明跌低爬唔到起身，都要用最後一口氣起身。」
李楓表示爸爸經常流連賭檔，吸好多煙，導致肺部有事，後來因嗜賭而把身家輸盡，她說：「爸爸份人太感性，一諗起詩詞歌賦就接受唔到自己嘅轉變，個腦充滿負能量，搞到精神病。我喺教會睇住爸爸被人捉去精神病院，最後佢悲劇收場。」
相關新聞：《好日子》黃智賢生得出34歲翟威廉咩？ 劇中兩代演員年齡逐個捉
(圖片：東星娛樂)
(圖片：網上圖片)
作為母親，李楓愧疚自己未盡好媽媽的責任，她說：「我好內疚，屋企風光嗰幾年，我做唔到個好媽媽，唔會攬佢、錫佢，日日掛住吃喝玩樂、打麻雀高朋滿座，又或者去演戲。我唔識得教育佢哋，所以有段時間佢哋唔鍾意我呢個阿媽，我明白呢樣嘢係冇得原諒。」主持人陳圖安表示自己出席李楓兒子的婚禮時，囝囝在台上表達很愛媽媽，著李楓不要再自責，李楓說：「佢係好孝順，只係我做得唔好，過去風光嘅日子享受過，都已經成為歷史，偶然緬懷一下，但唔想成日追憶，因為會成為自己的負能量。人活到一把年紀，都會曾經唔開心到試過唔想做人，但盡量唔好畀負能量維持咁耐。坦白講，我就算有兒有孫都係自己一個人獨居，只要對人冇傷害，我都要死撐活著。」