劉愷威同楊冪離婚後各有各精彩，早前楊冪跟內地小鮮肉魏大勛爆戀情，但日前又傳「分訊」，面對前妻多姿多采的花邊新聞，劉愷威一於少理，繼續跟圈中好友相聚。近日梁雪湄於社交網上載TVB第七期藝員訓練班的25周年聚會相片，並留言：「時間匆匆，一轉眼原來已經25年，但是感覺仍舊像昨天，這份難得的友誼，大家都真的很珍惜。我們的25周年紀念，我們都只是25歲」。
呢班舊同學感情好深厚（IG圖片）
當年藝訓班舊照，你地覺得邊個變化最少呀？（IG圖片）
一系列的聚會照中，較為熟悉的面孔有吳家樂、跟梁雪湄同樣身材出眾的陳彥行、近年轉投電影界的張松枝，仲有已經退隱轉做保險的陳紀匡。一班同學仔拍照時，鬼馬咁一時chok樣、一時扮型、一時玩到大笑，劉愷威全程笑笑口，玩得相當開心，看來前妻楊冪的緋聞並未影響到他的心情。梁雪湄還貼了大家的舊相片做對比，其中一張劉愷威、吳家樂同朱樂輝等三個男生合照，劉愷威同吳家樂的保鮮能力都幾強，而聚會上的其他男士都型佬味十足。
相關新聞：【陀槍師姐】「四喜」梁雪湄保養得宜轉行從商 四圍飛做埋旅遊飲食達人
（IG圖片）
朱樂輝當年眉清目秀，係個英俊小生，而家雖然白髮漸多，身形有少許發福，但都係好有型；至於46歲的陳紀匡，以前瘦底「骨杉杉」憑《打開天空》打入樂壇，而家結婚生埋個女，又轉行做保險，家庭生活快樂，已經變成幸福中佬！
朱樂輝以前個樣眉清目秀。（網上圖片）
劉愷威、吳家樂同朱樂輝的對比照。（微博圖片）
陳紀匡一家三口好幸福（微博圖片）
當中久未在熒幕出現的鍾潔怡（Kitty）都有出席，見佢冇咩點變，又真係keep得好好！鍾潔怡1994年參選港姐入行，以前參演過唔少劇集如《O記實錄》、《迷離檔案》，經典劇《刑事偵緝檔案II》指証郭藹明搶人男友的演出都令人好難忘。
相關新聞：【打開天空】陳紀匡曾月入百萬退隱轉做保險 用十年攀上高層46歲中年幸福肥
{{hket:inline-image name="9213b07eca806538694e66ca9bdda144ac348247.jpg"}}{{/hket:inline-image}}
《刑事偵緝檔案II》的鍾潔怡（網上圖片）
{{hket:inline-image name="671d4b05gy1gasu4wnud1j20u0140acr.jpg"}}{{/hket:inline-image}}
鍾潔怡都keep得幾好（微博圖片）
其實呢個藝訓班舊友聚會的組合都唔係第一次，去年鍾潔怡生日，同期同學仔亦有齊齊參與飯敍，並為壽星女送上生日蛋糕，相當溫馨！相識20多年，同學間的感情仲能夠保持，認真難得！
同鍾潔怡慶祝生日（IG圖片）
（IG圖片）
撰文：羅慧怡