有「黑妹」之稱的李麗霞，小時候已在酒廊唱歌，練得一把好歌喉。雖然酒廊和夜總會日漸息微，但仍無阻黑妹想唱歌的心，多年來以歌手身份四出登台賺錢養家，對她而言是責任也是愛。黑妹說：「13、14歲時我讀緊小學，知媽媽生活困難，我就求佢畀我去唱歌賺錢，我想減輕佢負擔。入行後有能力養屋企，點知反而做咗媽媽嘅負累，識咗個男朋友生咗個女，搞到媽媽反而要放棄事業幫我湊女。」
年輕時一時糊塗誤種情根，黑妹誕女後發現對方原來不是真命天子，便決定離家自立，她說：「當時我拎住50蚊離開佢爸爸，抱住個女返娘家，即刻搵朋友幫手，話佢哋知我想做返歌手，就出嚟唱歌。當時我記得有晚做替工，點知經理同我講話啲客笑我肥，我就下定決心一定要減肥做返好自己，單親又好點都好，我同個女相依為命。」
黑妹憶起曾因事跟媽媽爭執，頓時徬徨無助的她惟有帶女兒上班，歌舞廳不方便小孩進入，就把女兒寄託在泊車部，維持了3日，她說：「3日之後我阿媽都頂唔住，接返個孫女，我哋3個攬埋一齊喊。多得媽媽照顧我個女，我先可以放心去唱歌搵錢。不過我反而冇時間照顧媽媽，直到佢離世前一年多，我放低工作盡力抽時間去陪佢，幸好我有咁做，如果唔係真係成世人都有遺憾。」
相關新聞：【牛下女高音】黑妹頸椎有腫瘤再確診肺癌 急切肺葉保命 抵抗力差生蛇
{{hket:inline-image name="1ea2c122-a10c-478c-8074-eae6448639f7.jpg"}}{{/hket:inline-image}}
黑妹抗癌成功，亦戒去多年煙癮保健康。(圖片：《晴報》圖片)
小時候的黑妹（右二）非常可愛。(圖片：李麗霞Facebook）
黑妹年輕時與男友未婚生女，後來卻成為單親媽媽。(圖片：李麗霞Facebook）
黑妹10幾歲就開始在酒廊唱歌搵食，靠唱歌養起一家人。(圖片：李麗霞Facebook）
(圖片：李麗霞Facebook）
(圖片：李麗霞Facebook）
當年黑妹與鄭少秋和徐小鳳的造型都非常華麗有型。(圖片：李麗霞Facebook）
年輕時生活艱苦，黑妹跟媽媽和女兒總算咬住牙關跨過，可多年來的忙碌和不良生活習慣，令她的身體在近3年內頻頻出現警號，她說：「2017年我頸椎發現4cm大嘅腫瘤，我做咗5個鐘手術切除之後，3日就出院。不過第4日我半夜起身去洗手間，突然成個人跪低企唔到，只好叫外傭幫手，後來連吃飯個碗、筷子都拎唔到，我心諗：『唔會一生人都係咁嗎？我唔可以咁，10幾日之後我仲要唱歌！』我聲線同意志力都冇問題，只係行唔到，最終我照去唱，千幾個觀眾睇住我坐喺度唱，實在太感動。」大病未癒，黑妹就接下劇集《牛下女高音》的拍攝工作，她笑言當時連走路都不太穩陣，幸好沒阻礙拍攝進度。
黑妹入院時獲契女羅敏莊一家探望。(圖片：李麗霞Facebook）
陳榮峻與太太吳香倫都有探望黑妹。(圖片：李麗霞Facebook）
黑妹面對病患，一提起2個孫都忍不住淚水。(圖片：《晴報》圖片)
黑妹稱跟囡囡的關係隨住她成為媽媽而變得愈來愈好。(圖片：李麗霞Facebook）
黑妹榮升婆婆之後，每次見親2個孫都眉開眼笑。(圖片：李麗霞Facebook）
(圖片：李麗霞Facebook）
黑妹憶起拍攝《牛下女高音》時，雙腳仍未夠力走得穩。(圖片：李麗霞Facebook）
黑妹直認自己的人生多災多難，20多歲時曾燒傷手，2003年又曾嚴重灼傷，頸椎腫瘤的威脅剛解除，去年檢查又發現腦部和肺部有腫瘤，她說：「我心諗係咪前世做咗好多錯事呢？我眼淚即刻狂瀉，如果身體唔好，我就睇唔到2個孫大。」幸好腦內腫瘤的影響不大，她隨後接受手術切除一邊肺葉保命，毋須進行電療和化療，正慢慢康復中。她憶起當時見醫生，身旁的人正是葉凱茵和李天翔，雖然生病令她非常痛苦，但2場大病令她體會更多，她說：「唔係賺幾多錢先開心，原來身邊好多好朋友，擁有美好家庭，大家都錫我同支持我，呢2場大病令我知道好多人關心我，喺度講聲多謝，特別多謝我家人。」
相關新聞：《多功能老婆》推喼可愛小男孩原來係「星二代」 媽媽將回歸《愛回家》搵Ma姐報復？
李天翔（上圖）與葉凱茵（下圖）曾陪黑妹睇醫生，令她非常感動。(圖片：李麗霞Facebook）
(圖片：李麗霞Facebook）
大病之後，黑妹為了家人戒掉多年來的煙癮，也自省人生中有不少需要學習的地方，她說：「我喺社會大學畢業，講說話口直心快直腸直肚，好多人未必接受呢一套，『對唔住』呢3個字以前好難講出口，依家我講出嚟好舒服。」得到大家關懷，黑妹亦帶住不少非一線藝人四出登台賺錢，令他們可以在演藝工作以外增加收入，她說：「人人話我幫唔少人，其實都係互助互利，希望我個平台畀大家有所得着，好多跟我登台嘅朋友，依家拎住個咪都唱得好好，賺到生活，我已經好開心。」
黑妹與肥媽近年合作無間。(圖片：李麗霞Facebook）
黑妹最開心是認識到一大班好朋友，今年生日會超熱鬧。(圖片：李麗霞Facebook）
撰文：楊安莉
攝影：羅灝駿、楊嘉傑
場地：重慶劉一手火鍋店-利東街店