【同居半年試婚】馮盈盈與醫生男友4年情玩完 挑戰「寶寶」底線分手有跡可尋？

馮盈盈今日（30日）喺社交網宣布同醫生男友鍾文浩（Martin）分手，指二人已結束4年情，但再見亦是朋友：「從2015年開始，這4年間我們互相勉勵、互相扶持，一起經歷許多高高低低，見證了對方不同階段。在往後日子，即使我倆再不是情侶，我們仍然會支持對方，也互相祝福各自的將來。」圈中好友戴祖儀、陳煒、江嘉敏及陳詩欣等亦留言安慰。

{{hket:inline-image name="1.JPG"}}{{/hket:inline-image}}

（馮盈盈IG）

今年6月馮盈盈同Martin高調表示開始過同居生活試婚，盈盈指首期佢有份畀，但業主名一欄就冇份。盈盈話雙方都有分擔支出，男友負責供樓，佢就負責水電煤同日常生活開支，連食飯都係佢出。

{{hket:inline-image name="Wh.jpeg"}}{{/hket:inline-image}}

2人經常放閃。（馮盈盈IG）

盈盈曾大爆二人同居冇耐已衝突多多：「因為我個人比較有生活品味，會分開用水杯、酒杯、咖啡杯、香檳杯，所以屋企2個人有成20隻杯，但佢乜都淨係用一隻杯，所以都好多分歧，佢仲話我自私、唔上進，鬧得好狠！」

{{hket:inline-image name="TUNGSTAR6188185.jpg"}}{{/hket:inline-image}}

（東星娛樂）

馮盈盈每次出席公司大型活動都非常「尊重」，盛裝性感搏到盡，盈盈亦曾多次提到男友接受唔到佢演藝事業上嘅新嘗試，好似馮盈盈於劇集《解決師》中與張頴康一場超激浴室親熱戲，盈盈當時同男友「寶寶」一齊睇、一齊嚇到尖叫。

{{hket:inline-image name="bkn-20191014000210956-1014_00862_001_07b.jpg"}}{{/hket:inline-image}}

（《解決師》截圖）

盈盈又指男友反應超大：「雖然有同佢講過，但始終睇嘅又唔同，我都有盡力安撫佢，佢都失晒魂，唔知係咪心靈受創傷，惟有當係一個似我嘅人，之後佢去咗打機平伏。事後寶寶都有問我，話原來做幕前咁好，可以同異性有呢啲對手戲，咁佢可唔可以做，我話唔得，我就有賺啫！其他人要貼錢同佢拍。」佢當時話要做一個月絕世溫柔好女友，對男友有求必應當補償，仲話嗰場戲會係佢嘅性感極限。

{{hket:inline-image name="bkn-20191014000210956-1014_00862_001_04b.jpg"}}{{/hket:inline-image}}

（《解決師》截圖）

雖然話會做一個月「溫柔好女友」，但盈盈喺節目《後生仔傾吓偈》中都曾大爆自己脾氣超大，尤其入咗娛樂圈之後壓力大、唔適應，幾乎每日一「發」，令男友「寶寶」吃不消。盈盈話雖然每次發脾氣「寶寶」當下都會氹佢，但第二日都會同佢講佢要改吓，唔可以成日為雞毛蒜皮嘅小事發嬲。

撰文：黃蘊姿