【多功能老婆】周柏豪劇中金句冧死女變老公典範 爆求婚出現3個意外 最後點解決？

周柏豪憑熱播劇《多功能老婆》成功入屋，劇情講到失憶後的他（飾演浩田）回到楊千嬅（飾演藍飛）家，回憶瞬間恢復，二人明正言順在一起，「渣男」黃浩然（飾演劍雄）復婚無望，認真透心涼。就到大結局，周柏豪在劇中對楊千嬅所說的冧女金句聽到人窩心幸福，例如「你唔好行埋嚟，我驚我忍唔住攬住你，我會唔捨得放手」、「眾裡尋他千百度，你喺邊度，我喺邊度」、「你放心，我仲要守護你同佳佳」、「我只係想做你嘅翅膀，喺藍色嘅天空下飛翔」、「就算全世界放棄你，我都唔會放棄你」等。

{{hket:inline-image name="11.jpg"}}{{/hket:inline-image}}

(TVB電視截圖)

{{hket:inline-image name="112.jpg"}}{{/hket:inline-image}}

(TVB電視截圖)

{{hket:inline-image name="111.jpg"}}{{/hket:inline-image}}

(TVB電視截圖)

{{hket:inline-image name="13.jpg"}}{{/hket:inline-image}}

(TVB電視截圖)

浩田深情Oppa的形象深受觀眾喜愛，但其實現實中的周柏豪同樣長情。3年前他跟拍拖8年的女朋友朱敏君（Stephanie）低調結婚，今個月喜迎一女。本來周柏豪一向低調處理感情事，近日他在《後生仔傾吓偈》中竟大爆當年是因工作認識Stephanie，1年後於社交網重遇，他隨即展開追求。周柏豪笑言對方從無催婚，而是雙方都與彼此家人很親密，慢慢有結婚默契：「我感覺到，確定要一生一世照顧佢。」最後二人在泰國布吉低調結婚，周柏豪說當時沒搞單身派對，亦無伴郎、伴娘、兄弟姊妹團，只有雙方親人。

{{hket:inline-image name="14.jpg"}}{{/hket:inline-image}}

(TVB電視截圖)

憶述求婚過程，周柏豪表示自己是在日本旅行期間，於富士山河口湖的溫泉酒店求婚：「我戒指收埋咗喺好隱蔽嘅袋度，內衣度，仲要係污糟嘅內衣，佢唔會搵」，但未講完已被主持陸浩明、馮盈盈笑他：「即係你喺內褲𠝹咗個袋？內褲裡面有好多個袋？」搞到周柏豪即刻澄清是污衣籃。

雖然帶定戒指，但後續發生的事可說是多災多難，周柏豪一臉飲恨：「我好想情人節嗰日睇住雪山求婚，點知去到8號風球咁，冇興趣做呢啲嘢。之後我驚太太發現，早一晚（2月13日）見到湖邊有人放煙花，好想嗰個時間攞出嚟，但冇帶落樓。情人節當日（2月14日）我求天畀最靚嘅景我，食完早餐成個天清晒，咁我順勢去做，但太太問：『你做咩帶呢啲嘢過嚟？』」

{{hket:inline-image name="19.jpg"}}{{/hket:inline-image}}

(TVB電視截圖)

儘管求婚成功，不過周柏豪因緊張沒哭，更笑言事前已有台詞，但最後全部失敗：「本身諗住佢去完洗手間出嚟，我扮跌倒：『呀好痛呀！』，佢問：『咩事呀？』我就跪喺度拎戒指，點知現場都係榻榻米，我做唔到跪低呢個動作。最後都係扮跌親，但成件事唔靚」，被一眾KOL大叫好老套。

{{hket:inline-image name="18.jpg"}}{{/hket:inline-image}}

(TVB電視截圖)

最後周柏豪與老婆準備走，此時天公再造美，令他馬上再多求一次婚：「之後我哋攞行李落樓退房，見到彩虹即刻跪喺度再求。」非常浪漫，令在場KOL流露出羨慕眼神。

{{hket:inline-image name="17.jpg"}}{{/hket:inline-image}}

(TVB電視截圖)

撰文：張芷晴