現年35歲的羅仲謙，與40歲的楊怡結婚3年。這3年他為做好人夫責任、給老婆更好的生活，毅然暫停TVB的工作，返大陸搵銀。今年羅仲謙終於回巢返TVB拍劇，近日不但大爆北上拍網劇、電影辛酸，還公開大爆夫婦間的秘密。
在上集《兄弟幫》，羅仲謙被問到在大陸發展如何，他坦言機會比上一輩少，要更加努力。他試過拍《西遊記》連續4個月每日有8小時不能脫戲服、不能去廁所，有次楊怡探班見到他，心痛說道：「老公我以後都唔想買貴嘢...見到你咁辛苦。」羅仲謙指兩公婆雖然會用視訊溝通，但笑言自己在大陸生活最長不會超過4個月，也要見見在香港的楊怡，Man爆表示：「除咗老婆冇嘢掛住」。之後羅仲謙就話最掛念其實是麻辣鍋，事關他家族遺傳有膽固醇偏高，很久以前就要食藥控制，所以在香港楊怡管得很嚴，不讓他食這些邪惡食物。
(TVB電視截圖)
(TVB電視截圖)
(TVB電視截圖)
(TVB電視截圖)
不過對於舉家移居到大陸生活，羅仲謙就指要考慮將來小朋友的讀書、生活環境，且未想與香港親朋戚友分離，所以未有這個打算。被問到兩公婆在香港生活如何，他稱自己不愛夜蒲、不好社交活動、不飲酒、不吸煙，所以最愛在家做健身、打機，楊怡就會跟着電視跳舞。
(TVB電視截圖)
今次回來TVB拍劇，全因婚後一直計畫生2個BB，但未實行。羅仲謙話如今傳媒不時報道他們的「造人」進度，連酒樓大姐都問起，他搞笑回答：「係呀，5歲喇！我哋報緊學校」。至於生仔秘方，羅仲謙自揭林盛斌（Bob）曾送他「馬來西亞糖」，2位主持范振鋒、陳國峰即大呼收過，還笑稱很有用。羅仲謙就指林盛斌很吝嗇，每次只給幾粒，不肯送一盒。
(TVB電視截圖)
(TVB電視截圖)
(TVB電視截圖)
(TVB電視截圖)
講到拍新劇《木棘証人》，羅仲謙笑言會同張曦雯有親熱戲，怕老婆介意，即澄清是浪漫為主，但也不是點到即止，叫大家記得留意。不過相比起張曦雯，他更希望跟楊怡再當幕前拍檔，卻要求不演情侶，反跟主持們一唱一和，表示想演敵對：「害佢仲過癮，攞把刀隊佢（佢又拎把刀隊你）。」至於會不會拍綜藝節目或真人騷，他就笑言考慮中，因為會讓觀眾見到他常被楊怡鬧的一面，隨後又馬上解釋：「對住佢好Enjoy...OK嘅其實，佢係有原則」，非常搞笑。
(TVB電視截圖)
(TVB電視截圖)
(TVB電視截圖)
撰文：張芷晴