近日，TVB播出節目《創造經典 永遠懷念音樂巨匠》，當中黃翊都有份獻唱悼念黎小田，他指:「人生世事無常，幾時嚟幾時去都唔會輪到自己決定。」回顧從前，黃翊這番話猶如總結自己的坎坷半生。
(TVB電視截圖)
黃翊1歲時，爸爸離世，因一次唱K機會獲安排跟戴思聰學唱歌，1986年參加新秀歌唱大賽被唱片公司力捧為「張國榮接班人」。到1990年，黃翊憑《最愛的你》紅極一時，他自言那段時間甚至有人服侍，可惜2年後他沒有理會公司要求，拒絕同熱戀中的黃寶欣分手，結果被雪藏，他憶述：「當時我心諗唔唱歌都可以拍劇或做主持...」後來黃翊在港人氣下滑，大陸歌酬暴跌至5分一，不足以維持生計，遂淡出樂壇，他說：「尊嚴都冇埋，有次食完飯發現銀包冇錢，但銀行戶口都冇錢。」
(黃翊facebook page截圖)
(黃翊facebook page截圖)
(TVB電視截圖)
嚐盡人情冷暖，後來黃翊同陳存正拍拖，獲對方提議在跳蚤市場出售自家設計T恤，惟5年間不時遭受白眼，聽盡「黃翊都係幫我熨衫咋！」等冷嘲熱諷。他曾接受《今日VIP》訪問，哽咽表示最難受是被同行某女歌手藐視：「我有個好好嘅歌星朋友，我哋成日聯絡，有次行返屋企經過皇室堡見到呢位歌手等緊司機，我走埋去：『喂！你依家好好喎，恭喜妳！』但佢畀一個好難受嘅表情我。其實咁多年我唔止遇過一次咁唔舒服嘅場面，日後我撞到好熟嘅圈內朋友，唔再夠膽打招呼。」
(TVB電視截圖)
2006年，黃翊轉戰飲食業，於大埔墟街市開食店「三小姐海鮮小菜」，生意不俗。可惜四家姐與媽媽患肺癌離世、二家姐患淋巴癌離世、大家姐中風離世，令他經歷非常艱難的日子。
(黃翊facebook page截圖)
(黃翊facebook page截圖)
至2017年，黃翊相隔26年再次在電視亮相，於《流行經典50強》獻唱，由於他沒有中年發福，歌聲保持高水準，即時人氣急升，出唱片、開演唱會，連前度黃寶欣都與他合唱《A Second Chance》，同時擔任MV女主角。
(黃翊facebook page截圖)
(黃翊facebook page截圖)
(影片截圖)
(黃翊facebook page截圖)
怎料此時太太腎病復發，因身體未能排出毒素導致視力受影響、皮膚乾裂、腳跟嚴重水腫，要每日洗腎10小時，曾一度昏迷臥床。當時黃翊不但欲捐腎，更陪她積極抗病，負擔起龐大醫藥費。
今年，黃翊與姐姐在大埔開另一間餐廳，雖然要日做19個鐘，但他笑言有吐氣揚眉的感覺。另外太太近期都換了腎，正在家中休養。然而受到社會氣氛影響，黃翊食店生意蝕錢，這時候他要承擔師傅人工、舖租，更於傳媒訪問中表示要拿結他去隧道乞食度日。同時，難得在樂壇翻身的他本來打算於明年4月再開演唱會，現時都要煞停，令他很氣餒。
(黃翊facebook page截圖)
撰文：張芷晴