處境劇《愛回家之開心速遞》一向受電視迷歡迎，劇中大小情節都非常留意，其中有3個隱藏角色一直都未出現，只聞其名未見其人，包括送水輝 (許家傑飾）的前妻、群姐（許思敏飾）的囝囝群腳仔和龍家三太白天娥（樊奕敏飾）的囝囝Joe。小編一直好期待呢3個角色會「花落誰家」，昨日就在維基百科發現，丁子朗的拍劇列表中，驚見「龍力祖」（Joe）一角，莫非就是由他飾演龍敢威（羅樂林飾）的孻仔Joe？
丁子朗接受《晴報》電話訪問時表示：「我唔知呀，不過嚟緊要開新劇《踩過界II》，一切等公司通知。」而「三太」樊亦敏在訪問中表示：「暫時未收到通知邊個係阿Joe，仍然係一個謎，我都好期待。因為劇入面講阿Joe係高大、靚仔、有型，樣樣嘢都好好嘅！所以，我好期待知道邊個演我個仔！」聽完2位的回應，似乎今次是一個美麗的誤會，Joe幾時出現，大家可能要繼續等。
相關新聞：《愛回家》明年起播足一星期七晚 送水輝前妻出現同大小姐爭仔？
（圖片：鄭世豪IG)
(圖片：網上截圖)
(圖片：樊亦敏IG）
(圖片：樊亦敏IG）
今年22歲的丁子朗近日人氣急升，除了在《解決師》有不錯的表現外，在不同綜藝節目都頻頻見到他的蹤影。他分別主持《娛樂大家》和《森美旅行團》都大受歡迎，今年更「升呢」成為無綫幾個大騷的司儀，「明愛暖萬心」、「香港唱好演唱會」、「善心滿載仁愛堂2019」、「珍惜香港 發放娛樂 TVB 52年」的台慶節目等，絕對有非常大進步。今次《萬千星輝頒獎典禮2019》，丁子朗入圍「飛躍進步男藝員」獎，與張振朗、周嘉洛、羅天宇和黃庭鋒爭獎，暫時未知花落誰家，不過丁子朗得獎的話，絕對是實至名歸。
相關新聞：【解決師】22歲丁子朗夠傻討好觀眾 網民眼利睇出隱藏感情線
（圖片：《森美旅行團》電視截圖）
（圖片：TVB《解決師》劇照)
（圖片：《晴報》圖片）
（圖片：《晴報》圖片）
日前丁子朗為新劇《踩過界II》參與造型記者會，今次劇集以單元劇方式推出，他將會飾演一名醫生，他接受訪問時表示：「其實好開心，之前《解決師》有好多人認識我，睇到我綜藝節目以外嘅表現。今次角色幾有挑戰，有少少變態嘅感覺，同鄧卓殷比較多對手戲。」
其實丁子朗從加拿大來港參加「香港先生」選舉，贏得年輕組冠軍後，家人仍反對他留港發展，多次用銀彈攻勢希望勸他返加，但丁子朗來港後堅拒拿家人的錢。雖然剛入行收入不多，但都死慳死抵堅持自立，繼續留港做藝人。他說：「家人擔心我自己一個喺度，咁我都明白嘅。所以我好努力做好多節目同拍劇，希望佢哋睇到我嘅成績，放心畀我繼續做落去。」
撰文：楊安莉