楊怡同羅仲謙結婚3年，由一段當年不被看好的姊弟戀，到兩人拍拖5年後步入教堂，現在他們擁有幸福美滿的婚姻，除了靠彼此努力維繫感情，婚後羅仲謙又北上努力搵錢養老婆，令楊怡安心減少幕前演出，可以每日生活得寫意開心。不過原來當初追求老婆的過程一點也不容易，近日羅仲謙上節目大爆當年為得到楊怡歡心，曾經在深夜跳海證明愛意！
（IG圖片）
在最新一集《娛樂大家》的「真假話題」遊戲環節，羅仲謙提到當年拍完《On call36小時》之後，跟楊怡晚上到香港島某個海邊聊天。楊怡開玩笑問他：「你敢唔敢跳落去呀？如果你係呢度游到出浮台，我就做你女朋友啦。」原本只是一句戲言，但羅仲謙非常認真，二話不說在寒冬裡跳下海，游到浮台後更向岸上的楊怡甜蜜示愛：「可唔可以做我女朋友？」在場的嘉賓都聽得好緊張，汪明荃即時追問：「咁之後點呀？佢接受你？佢有冇錫你一下呀？」羅仲謙很尷尬苦笑：「冇…佢冇咩反應。」其他藝人大為惋惜，森美說：「點會呀？正常女仔應該會好感動。」幸好在羅仲謙不斷的強烈攻勢下，最後憑真誠成功打動楊怡的芳心，而家仲結埋婚，兩公婆過得好幸福！
相關新聞：羅仲謙相隔3年回巢做男一 獲楊怡批准與「三張」美女合作
{{hket:inline-image name="gcx.jpg"}}{{/hket:inline-image}}
（影片截圖）
{{hket:inline-image name="cx.jpg"}}{{/hket:inline-image}}
在節目提到為楊怡跳海（影片截圖）
羅仲謙同楊怡結婚三年，謙謙絕對稱得上是好好先生，仲有寵妻4大招數，令楊怡每日都幸福滿滿！
1.密密賺人仔買大屋送老婆
羅仲謙雖然細過楊怡，但份人好有計劃，向來都唔會亂使錢，近年仲有打算將賺到的錢滾大，一有機會就上車，買層樓寫楊怡的名，等佢開心做業主。謙謙又講過自己未紅亦未賺夠錢，但楊怡都肯同佢一齊捱，所以如果搵到錢，要把最好的一切給老婆同仔女，真係錫老婆鍚到燶！
（IG圖片）
2.為另一半改變性格、習慣
楊怡曾經在訪問透露過謙謙為她改變好多，羅仲謙原本份人好懶，出街不喜歡帶袋，去旅行都是最後一分鐘先收拾行李，但為了楊怡出街更舒適，謙謙願意改變自己習慣。楊怡說：「佢會為咗我而拎背囊，因為我將啲水、旅遊書、遮塞晒比佢拎。」
（IG圖片）
（IG圖片）
3.定期準備驚喜
羅仲謙就算工作好忙，都不忘氹老婆開心，之前楊怡到上海演出舞台劇，謙謙就越洋送花，氹到老婆心花怒放。而到楊怡生日，謙謙就為她細心準備慶祝生日，其後又在社交網貼相晒愛，啜爆老婆放閃，真係sweet到爆！
謙謙越洋送花，花牌仲附有老婆的照片，同埋甜蜜留言，真係好閃呀！（微博圖片）
（微博圖片）
4.願意養老婆、支持她做的決定
楊怡同羅仲謙結婚後決心離開TVB向外闖，而羅仲謙亦給信心讓她做自己想做的事。楊怡呢兩年宣布停工調理身體，得閒先接下jobs，多數是北上陪老公開工，而謙謙完全沒有反對楊怡的做法，給她最大的支持。
相關新聞：楊怡羅仲謙踩單車放閃 靠一隻燒豬情牽8年
謙謙為楊怡搞生日派對氹佢開心（IG圖片）
撰文：羅慧怡