台慶劇集《多功能老婆》自播放以來，成為電視迷熱烈討論的話題，觀眾們愈睇愈投入，特別是「最強小三」顏成功（于淼飾）向藍飛（楊千嬅飾）宣示主權，睇到觀眾都咬牙切齒，有網民甚至嬲到話想大巴大巴「車」落小三度洩憤。
上星期五的一集，尚劍雄（黃浩然飾）終於返回家中，當藍飛以為老公回歸後生活可以回復正常，重拾家庭的溫馨生活，可惜「開心時光過得特別快」，只得兩日一夜的限時幸福，尚劍雄將錢和鎖匙交還，還附上離婚協議書，就放棄香港一切，與顏成功一齊。 藍飛大感不捨，喊晒口想挽留老公，沒想到到頭來尚劍雄說：「我唔想佢被人話同有婦之夫一齊呀！」拋妻棄子仲處處顧住個第三者感受，實在太過分。
相開新聞：【多功能老婆】黃錦燊感恩愷傑唔似周柏豪咁激心 放任囝囝追夢：「知識跟人一世」
(圖片：《多功能老婆》電視截圖)
(圖片：《多功能老婆》電視截圖)
(圖片：《多功能老婆》電視截圖)
(圖片：《多功能老婆》電視截圖)
(圖片：《多功能老婆》電視截圖)
黃浩然當晚在IG上載劇集的精華片段，並留言說：「今晚相信好多人都(喊喊喊)#多功能老婆 #尚劍雄」沒想到簡短的一句留言，卻引發婦女界的海嘯級民憤，不少網友太入戲，直斥他沒良心、無人性，連好友胡定欣都留言說：「我想講粗口！」
「你是渣男！看到千嬅真是替她傷心！放棄你老公啦！那條大陸八婆值得你為她放棄成頭家？」
「賤格尚劍雄！」
「你没良心！」
「劍雄真係好賤呀」
「太好看了……太狠心了，看的我姐都說尚劍雄是渣男，但是我個人覺得與其說渣，他是一個極度自私的人。 只是為了自己的利益而已……阿太真的受傷了。」
「你好狠呀，千嬅好慘好陰功，事業無咗可以再建立，好老婆無咗就搵唔返了！」
「跟住嗰個咩成功，你一定一定後悔嘅」
「希望劍雄，藍飛Happy Ending，為何又要Sad Ending，好憎姓顏個小三，搶人老公！事業重要唔使一定離婚架!家庭更重要呀！」
相關新聞：《多功能老婆》姜總向萬風華調情唔過電 姚兵捱13年兜個圈終北上發展
(圖片：黃浩然IG）
(圖片：黃浩然IG）
其實黃浩然外面正直，甚少挑戰「賤男」的角色，今次做盡女人最恨的事，背叛太太出去風流、除了顏成功之外，還有小四、小五...今次尚劍雄為錢、為權、為了地位犧牲了家庭和愛情，藍飛打算苦心勸他放棄一切重新來過，但尚劍雄仍然死不悔改，臨走還要處處維護小三，令藍飛的心傷透，觀眾同樣替她著緊。
幸好，私底下的黃浩然絕對是Family Man，他日前先跟太太慶祝結婚14周年的大日子，兩公婆攬住拍照恩愛非常，浩然留言說：「一段感情能夠走了十八年，真的不容易。除了緣份，還要有愛、包容、忍耐、欣賞、浪漫......我深信最重要的是相方都有堅定的信念，相信大家能一起走一輩子！願我們一起走下去吧！Happy 14th Anniversary !Love u my Love！」而且兩個小寶貝都冇做「電燈膽」，讓兩公婆可以過二人世界，好好慶祝，非常甜蜜。
(圖片：黃浩然IG）
撰文：楊安莉