黃錦燊闊別電視熒幕20年，今次在劇集《多功能老婆》中復出，飾演大律師榮聲隆，除了跟兒子榮浩田（周柏豪飾）有很多父子狗咬狗骨的對手戲之餘，更將會跟劇中「舊愛」楊嬋（苗可秀飾）有愛火重燃的感情線。
燊哥出場幾集以來，有別於平時認真嚴肅的專業律師形象，跟柏豪有不少搞笑的戲份，輕鬆有趣，為觀眾帶來驚喜。燊哥接受《晴報》專訪，他表示復出除了很大部分原因是陳寶華監製的邀請之外，有感大律師工作已經有一段時間，是時候轉個跑道尋找生活的樂趣。
相關新聞：【多功能老婆】黃錦燊與周柏豪父子追逐戰 去年為過戲癮暫除大律師牌
（圖片：《晴報》攝影：潘卓忻）
（圖片：《多功能老婆》電視截圖）
（圖片：TVB《多功能老婆》劇照）
（圖片：《多功能老婆》電視截圖）
（圖片：TVB《多功能老婆》劇照）
燊哥表示：「初初入行拍咗十幾廿年戲，過去角色多數都係嚴肅少少嘅專業人士、醫生、律師等等，不過其實電影方面好似《全家福》、《開心鬼》、《霸王花》等都是輕鬆喜劇，今次劇本寫得好，捉到父子嘅心態，其實人與人之間關係都係咁，心入面關心對方，但總係口硬。今次同柏豪幾有火花，劇集出嚟嘅反應唔錯，佢演得幾可愛，不過就同我自己個仔剛剛相反，愷傑好乖，完全唔百厭。」
燊哥本身是名符其實的「學霸」一名，他直認「讀書、考試完全難唔到我」，在美國長大的他大學修讀藥劑課程考獲藥劑師牌照，卻放下一切來香港發展演藝事業，他說：「當時父母又冇反對，但當然會有擔心，因為佢哋喺美國，我就自己一個嚟到香港，我同佢哋講：『你哋辛苦供我讀書，我考到藥劑師牌，畀我試幾年發展吓啦，如果唔成功咪返嚟做藥劑師囉！』慶幸自己發展都幾順利，一演就演十幾年戲。」
（圖片：《晴報》攝影：潘卓忻）
(圖片：myTVSuper 網上截圖)
(圖片：myTVSuper 網上截圖)
(圖片：myTVSuper 網上截圖)
(圖片：myTVSuper 網上截圖)
(圖片：myTVSuper 網上截圖)
(圖片：myTVSuper 網上截圖)
(圖片：myTVSuper 網上截圖)
燊哥一邊演戲，一邊讀夜校進修法律，成功考取大律師牌照，期間總會有人問為何要放棄高薪厚職去當演員？他說：「當年香港政府1984年簽署中英聯合聲明，大家都好關心1997年回歸嘅事，我覺得中國同英國爭拗嘅事，其實係因為佢哋嘅法律背景同基礎唔一樣，所以我去讀法律，1997年前去英國領埋牌照。我對知識嘅睇法係：『知識係跟你一世！』我讀完藥劑，了解身體結構同生理，到SARS嚟嘅時候，我就唔會驚，因為知道係點樣一回事，亦知點樣去預防。」他表示讀完法律，演法庭的戲份時都會知道是怎樣一回事，知識從來不會浪費。
相關新聞：【多功能老婆】黃錦燊棄高薪做綠葉多演督察 獨愛趙雅芝34年 愛情不變靠一法
（圖片：《晴報》攝影：潘卓忻）
（圖片：《晴報》攝影：潘卓忻）
(圖片：myTVSuper 網上截圖)
(圖片：myTVSuper 網上截圖)
燊哥1999年正式當上大律師，由於規例的關係而暫別演藝工作，曾經他在《真情》是「上等人」，在不少劇集是「律師」，總予人「離地」的感覺，燊哥完全不認同，他說：「法律同演藝工作吸引我嘅其中一個原因係可以接觸到不同嘅人，演戲我有時去山頂、有時去深水埗、演有錢人、演黑社會都有，雖然我生長唔係呢個階層，但我一樣體會到不同嘅人生。法律界一樣，我初入行時，余若薇剛做議員，佢個團隊有提供免費法律諮詢服務，咁如果有市民有需要搵佢，就會搵我哋新丁去做，好多細糾紛，好似屋苑漏水咁，我都有處理過。其實好多案件都可以和解，不過真係好多人為咗啖氣打官司，特別係離婚個案。」
（圖片：《晴報》攝影：潘卓忻）
對於知識的一套理論，燊哥同樣放在教育兒子黃愷傑的身上，他沒有如劇中所描述去迫兒子讀法律做律師，他說：「學問永遠係自己嘅財富，所以唔只我個仔，我成日都鼓勵後生仔盡量充實自己，環境許可的話，讀完一個學位可以讀下一個，我冇刻意去帶個仔行咩路，佢一向都跟住興趣行，大學讀經濟打算發展商界，後來畢業想試電影，於是考入北京電影學院，主要都係睇佢興趣。如果人冇興趣，做咩都未必做得好，有興趣先會有衝勁，做任何事都唔介意辛苦。」
燊哥明白他身為「星二代」定必會有壓力，但觀察所見他的處理不錯，他笑言：「我覺得佢比我優勝係佢嘅耐性，我相信無論做邊一行，有耐性已經好好。父母係明星，只係為佢開咗度門，等人容易認識佢，入門口之後企唔企得穩係另一回事。」
（圖片：東星娛樂）
（圖片：東星娛樂）
撰文：楊安莉
攝影：潘卓忻