農夫成員C君（鄭詩君）與港台DJ女友黃天頤拍拖5年，今年2月求婚成功後，兩公婆一齊籌備婚禮，下周五（13日）就是他們的大日子。今日（5日）他們就率先將在日本拍攝的婚紗相曝光，婚紗相以日本富士山河口湖作背景，相當有詩情畫意。Ｃ君說：「我之前上網睇啲KOL嘅相，見到影紅葉好鬼靚，於是一心想影輯滿布紅葉嘅婚紗照囉，可惜事與願違。10月尾去搵婚攝公司時，職員話10月尾冇紅葉要到11月中先開始有啲，咪搞到成件事咁遲囉。」
相關新聞：C君需終生輸血被生母 前度拋棄 竭力生存一個行為冧掂未婚妻黃天頤
以富士山作背景拍婚紗照，非常有型。(圖片：大會提供)
Ｃ君和天頤的婚紗相絕對是非一般的感覺。(圖片：大會提供)
兩人以全黑服裝拍攝，過程輕鬆又開心。(圖片：大會提供)
拍攝當日，雖然紅葉不多，但勝在天朗氣清，能以整個富士山原貌作背景，非常壯觀。一對準新人凌晨4點就要起身化妝Set頭，C君笑言：「今次影相仲早過拍《晚間看地球》。」Ｃ君和天頤的婚紗相非常特別，選取了型格的黑色服飾，天頤表示：「我一直覺得婚紗係結婚當日先着，Pre-wedding可以揀自己鍾意嘅衫。同埋C君成日強調輯相主題得2個字，就係開心，如果着婚紗影相好難開心，因為又窄又盛又顧住有無走光，又要縮肚......」
相關新聞：【晚間看地球】同Do姐10年拍檔火花十足 盤點農夫窒頭窒勢爆笑金句
Ｃ君今年２月求婚成功。(圖片：C君IG）
兩人拍拖５年，終於拉埋天窗。(圖片：大會提供)
拍婚紗相又點少得家中主子。(圖片：大會提供)
C君表示今次拍攝過程非常順利，婚攝公司對待他們猶如拍廣告排場一樣，一影完就立即送上保暖外套同飲品，他說：「最難係要喺第三者面前做啲親密舉動，真係尷尬到不得了，加上一對望就忍唔住笑。從來無自己畀錢人影相，只有收錢影相呀嘛，依家畀錢影相仲要受人命令！」C君透露籌備婚禮過程非常順利，兩公婆沒分歧爭執，他說：「外母大人好開通，過大禮都話簡化好多繁文縟節，不過當然佢都希望早日抱孫啦！」
C君先天患有重型地中海貧血症，終生要定期到醫院輸血續命，但他跟天頤都沒因而嚇怕拒生育，他們都期待有下一代的來臨。C君曾在訪問中表示：「有4分1機會下一代都會有呢個病，但係我好夠薑生。我細細個病到依家，照顧佢咪最適合不過。我會同佢講，你睇吓爸爸都搞得掂自己啦！」天頤亦相信只要好好處理病情，小朋友一樣可以快樂成長。
一對新人正準備婚禮當晚的回禮禮物。(圖片：C君IG）
這個香薰蠟燭有不同的祝福字句。(圖片：C君IG）
一對新人準備好請大家食賀禮食品。(圖片：C君IG）
去年年尾Ｃ君帶埋女友出席好朋友江若琳和蕭潤邦的婚宴，今年輪到他們自己了。(圖片：C君IG）
撰文：楊安莉