越南峴港初體驗

3天前

人生基本上是一場巧遇，時間、地點、人物、陰晴冷暖～一切既來之則安之、享受之、話之。

這幾天hea遊了越南峴港-一個從來無諗過要來的地方，因為酒評家詩詩的慷慨邀請，姊妹們住進了遠離城市的Laguna Resort，除了第一天鬱熱密雨，其後的日子都偶遇陽光藍天和涼風。

此行目的是「飲飲食食」，連環嘗試了不同cafe的正宗越南滴漏咖啡，領略龜速慢活生活；滴到天荒地老終修成半杯，卻是走奶嫌太苦，加了煉奶又實在太甜……每一次的等待和期待，結果都未盡己意，「噢！咁嘅？」笑一笑，有咩大不了？

去了遊客必到之處Madame Lan食越南菜，充滿法國殖民地建築特色的院落，鮮蝦豬肉春卷極之鬆脆，咬出「不同凡響」！牛油烤鮑魚仔、Lemongrass蒸蜆也值得一吃。最喜歡Banyan Tree的意大利餐廳Azura，藍天白浪，色香味全的海鮮湯，再以PJ Grand Brut配Margherita Pizza……完美體現hea的真正意義。

第三日行程由早到晚都留在洲際陽光半島酒店，是人氣打卡熱點，兩部纜車連接山頂與沙灘，處處都靚到爆燈，電話務必charge足電才好盡情一遊。在天空上的Citron午餐，坐在室外非常iconic的「陀螺」飲着Cotes Du Rhone法國紅酒，享用着越南美食，風繼續吹，光陰繼續飛逝，that's life.！

3小時

今時今日的香港，凡事要小心，隨時被公審。莫講紅人名人，就連一介素人post下同家人、好友去旅行去開餐的生活照片，都會被人批評「活在平行時空」～人哋24小時生活點樣過，你又知道幾多？人地笑過喊過激動過平淡過需要情緒修復過，無可能亦無需要同你解釋咁多……唉，忍唔住講呢啲，因為這些bully事件，最近見到太多。

（本欄逢周二刊登）