蔡少芬坐擁過億資產？ 張晉：娶到佢三生有幸

剛榮升第三任爸爸的張晉，昨日出席關懷愛滋活動，提到細仔樂兒已半個月大，他指太太蔡少芬（Ada）雖然辛苦，但十分享受湊仔樂。問他可有跟Ada爭住湊仔，他笑說：「唔使爭，老婆都要我幫手。呢個BB成日瞓，有時老婆餵餵下奶BB瞓咗，我要幫手拍醒佢，點知我抱住佢瞓得仲甜。」他表示兩個女兒十分喜歡弟弟，又錫又攬，令夫婦很放心。他又說：「BB個樣好似我細個，老婆話抱住BB好似望住細個嘅我咁。」

問一家五口會否換大屋居住？他說：「買得起先算，依家間屋舒服就得，兩個女又鍾意瞓同一張床。我唔鍾意搬屋，係老婆鍾意搬屋有新鮮感。」有傳Ada擁有價值1.5億元的物業資產？他說：「財政方面我唔理，佢持家有道，應使則使，娶到呢個老婆真係三生有幸。」