入行近20年的李焯寧，初期在TVB古裝劇集中經常扮演丫鬟、妹仔，形象深入民心，因而被封為「金牌丫鬟」，相信大家對她的樣子不會感到陌生，之前在《使徒行者２》中演終極臥底一角，大受觀眾歡迎，網民仲大讚40歲的她keep得好，是索女一名。李焯寧過去幾年減少在幕前演出，你們知道她的近況嗎？
（網上圖片）
（網上圖片）
最近TVB重播《律政新人王》，李焯寧都有份演出。
（TVB影片截圖）
有御用丫鬟稱號的李焯寧，在2000年參加藝員訓練班加入無綫，於TVB工作12年間，都是做一些小配角，發揮不大，其後約滿便離巢。李焯寧說：「係突然間『叮』咗一聲，最大嘅因素係覺得睇唔到前景，始終我個人冇運氣，所以諗諗吓咪決定出去闖吓！」其後她加入港視拍過電影，又做過市場策劃，後來索性北上拍網劇發展，可惜星運平平，一直未有大發圍的機會。不過在內地工作為她儲落不少人脈，於是她開了一間文化傳播公司做CEO，現時主要安排藝人去登台同商演，又識做資源整合，幫同行的藝人發展事業，相常叻女！
之前《使徒行者２》演終極臥底好多觀眾都讚做得好（IG圖片）
今年40歲的李焯寧，外表keep得好好，仲係好索，不過她坦言仍是單身，亦對愛情不算渴求，她曾說過：「我對婚姻係唔會相信細水長流」。有這樣的感情觀，是因為她從小在單親環境長大，由爺爺嫲嫲湊大，又冇兄弟姊妹，便養成硬淨、獨立的性格。
加上李焯寧兒時曾走過鬼門關，因過濾性病毒入心臟險死，經歷讓她的性格比較淡然，對愛情的態度是隨遇而安。她說：「三年級因爲感冒太耐冇理，後來過濾性病毒入心臟。個時我同媽咪食食吓飯，個心突然好痛，塊面變埋紫色，好得人驚，媽咪即刻抱住我衝入醫院。我條命係『電』返嚟，真係死過翻生，個醫生都話嚟遲幾分鐘就會冇命。」
相關新聞：【御用奸人】戴志偉捱足30年唔識擦鞋被冷待 離巢撈保險風生水起即變富豪？
40歲keep得好好！（IG圖片）
（IG圖片）
返大陸拍劇（IG圖片）
撰文：羅慧怡