早年認識錢嘉樂並唔係因為電影，而係佢喺《獎門人》系列中嘅搞笑演出。佢當年得到獎門人提攜，甚至令到拍檔林曉峰妒忌。其實佢嘅「本行」並唔係行搞笑路線，而係出身自龍虎武師。
錢嘉樂與錢小豪（東星娛樂）
哥哥錢小豪同為演藝圈中人，當年出道就做主角一炮而紅，相反錢嘉樂樣貌唔及阿哥俊俏，冇被力捧，但默默耕耘嘅佢如今成就已經遠超哥哥，除咗係特技人公會會長之外，仲有自己嘅「錢家班」。
（網上圖片）
錢嘉樂14歲出身，17歲加入洪金寶嘅動作電影班底「洪家班」，獲洪金寶推薦有機會參與幕前演出。嘉樂由動作替身、武術指導，到演技、主持樣樣精通，無論係幕前定幕後，都見到佢嘅蹤影。
（東星娛樂）
錢嘉樂憶述自己喺第一次受傷之前，真係以為自己係神:「（特技動作）我通常一次就OK，大家都話『洪金寶旁邊最年輕最搏嘅武師就係我。而且第二個做唔到，只有錢嘉樂做到』，聽到真係飄飄然。」1985年，20歲嘅錢嘉樂喺成龍與洪金寶合演嘅電影《龍的心》中摔到重傷，腳骨斷裂，腳掌仲反扭。「嗰一次我真係知道咩叫痛。」但不幸中嘅大幸，佢嘅腰背都冇受傷。
（東星娛樂）
香港特技人出名搏殺唔要命，連美國、荷里活都會專誠搵佢哋拍攝，覺得呢班香港特技人「Crazy」，但嘉樂視似乎視呢個為讚美：「我地要用最安全嘅方法拍最危險嘅嘢。」但佢強調唔係要命都冇：「一班演員同你完成一個畫面，你有責任令到佢安全返屋企，呢個係一個武術指導應有嘅條件。」
《寒戰》截圖
動作設計力求盡善盡美，即使兄弟幫都有嚴格要求。私底下的錢嘉樂不單止能打能笑，更加是一個廿四孝好老公！
（湯盈盈IG）
嘉樂與愛妻湯盈盈在娛樂節目《超級掌門人》撻著，兩人在2012年結婚，後來分別於2013年和2015年誕下大女凱晴(Alyssa)和幼女凱琪(Kassidy)，經常都喺社交網曬幸福。
（湯盈盈IG）
佢仲曾豪花80萬購入旅行車，為了方便帶囡囡出門，又豪擲千萬買入北角寶馬山一個七百幾呎的單位，既是為了獎勵老婆同畀囡囡有個好環境成長，雖然嘉樂經常在外工作，但一得閒就會做湊仔公，將時間擺晒喺屋企人身上，係個一等一好男人！
（湯盈盈IG）
撰文: 黃蘊姿