有一個好的工人姐姐，絕對幫輕屋企好多，不過有遇到不對辦的女傭，分分鐘變成媽媽的惡夢。藝人孫慧雪（阿雪）於16年同圈外有米男友Edwin結婚，之後生下愛子Riley，囝囝現時兩歲多，阿雪忙於事業，又要照顧家庭，認真忙碌，所以屋企家務就交比工人姐姐幫輕。不過近日阿雪就好激氣，她的工人姐姐突然辭工，表面話返鄉下，但實情是為避債。
（Facebook圖片）
孫慧雪在FB出帖文，貼了一張財務公司追債信，好苦惱地寫道：「我工人姐姐突然請辭，話要返鄉下，我想請佢幫多幾日手都唔肯，喺佢一走咗之後，追債電話就打嚟，又收恐嚇信，即刻明晒點解對佢咁好都要走，我之前仲猛咁諗，係咪辛苦咗佢！佢之前話有困難，我哋仲借咗筆錢畀佢！唉！佢明知我哋屋企有小朋友都咁樣，真係好過分～可以點解決」。孫慧雪又說人善被人欺，真是非常無奈，這個星期只能先由她親自照顧小朋友。
孫慧雪同仔仔（Facebook圖片）
孫慧雪收到寄給工人姐姐的追數信（Facebook圖片）
星媽大爆工人姐姐惡行，孫慧雪亦非第一個。早前葉翠翠宣布替老公周曉康懷上第三胎，為照顧家中兩個兒子，請了兩個菲傭，卻遇上不快經歷，於是發文公開菲傭的惡行，希望避免有另一家庭受害。葉翠翠的兩名工人開工不久就表明不會工作，「博炒」想她賠償1個月人工，她們不願照顧兩個兒子，仲虐待搣細仔，令葉翠翠大為震怒。葉翠翠寫道：「搣我細仔，BB水壺/水杯從來唔洗，抹碗布和地布夾在一齊，士多啤梨唔洗比小王子（兒子）食，自己煲雞湯飲，種種惡行不能盡錄，看盡人性醜惡。」菲傭反到處抹黑葉翠翠，稱她是「自私的魔鬼」，事後葉翠翠有向入境處和警方求助。
相關新聞：【附專家意見】兩女傭做24日博炒賠糧受氣 葉翠翠：搣我細仔兼鬧我「魔鬼」
葉翠翠同仔仔（Facebook圖片）
葉翠翠一家（Facebook圖片）
不過亦人遇到好的工人姐姐，影帝梁家輝的外籍工人姐姐Delia在他家中工作30年，Delia自細照顧一對孖女梁靜曦（Nikkie）同梁穎晨（Chloe），盡心盡力，而一家人和Delia感情深厚，早已視她為親人，之前仲陪她成功抗癌！
相關新聞：結婚逾30年 梁家輝肉緊攬老婆 孖女冧爆示愛：家就係一切
Delia同梁家輝一對孖女感情好好（IG圖片）
Delia已經成功抗癌，令梁家輝一家好開心！（IG圖片）
撰文：羅慧怡