有「得閒修女」之稱的星級KOL劉小慧昨日（21日）跳出框框，沒在屋企直播，而是走到髮型屋，拉埋髮型師Perry一齊分享洗頭小知識。不講不知，原來洗頭都有好多細節要留意。他們指如用錯方法洗頭，或會令頭皮出粒粒和濕疹，情況更可惡化成皮膚病！二人就分享了洗頭4部曲，提醒大家只要留意細節位，定可改善髮質問題。
(圖片：劉小慧Facebook）
(圖片：劉小慧Facebook）
(圖片：劉小慧Facebook）
相關新聞：【直播】劉小慧20年前結婚舊片再出土 老公蘇志威「依家攬住瞓都唔畀」
一. 梳頭
洗頭前先用梳梳順頭髮，特別是留長髮女士，免得沖洗時頭髮打結不順，而不小心扯甩大量頭髮。
(圖片：劉小慧Facebook）
二. 洗頭
先沖水確保所有頭髮都濕到水，而落洗頭水前，先將洗頭水擠到掌心，雙手搓到出泡才放在頭髮上塗勻，用手指指頭肉按摩，不要用指甲，因指甲容易傷及毛囊。隔日才洗頭的人士，應用2次洗頭水，一次沖走表面灰塵或油脂，另一次才能真正洗乾淨頭皮，特別要留意後尾枕位置都要清洗和按摩，隨後徹底清潔乾淨。不過髮型師Perry稱，每日都洗頭的人士，則無需洗2次。
(圖片：劉小慧Facebook）
三. 護髮
護髮素只落在髮尾，不用塗勻所有頭髮，否則容易殘留在髮根位置，產生堵塞毛囊的情況，可能會出油或滋生細菌。
四. 乾髮
髮型師建議不要包住頭就打機、睇電視，應盡快用手巾弄乾頭髮。包住頭時用手指按摩，髮尾則夾在手巾中間用拍打方法印乾，不要左右用力搓，否則易磨斷頭髮。吸乾水份後，用梳梳順頭髮，或選用按摩梳輕輕按摩頭皮，隨後就用風筒吹乾頭髮。
(圖片：劉小慧Facebook）
(圖片：劉小慧Facebook）
(圖片：劉小慧Facebook）
相關新聞：劉小慧花5日治好友人濕疹 全靠自家提煉一樣嘢
髮型師教大家最好都是每日洗頭，保持清潔。而後尾枕常生粒粒，最大機會是洗頭時未能將殘留物清洗乾淨。只要選用合適的洗頭水，頭皮自然會因應個人生活習慣而有所調節。
小慧在直播時大爆細女Ina經常洗頭都不乾淨，要她多加注意。（圖片：劉小慧Facebook)
撰文：楊安莉