早前教育局宣布全港中、小學停課，家長反應不一：有人認同安全起見子女應停課留在家中；部分家長則頭痛不知道如何抽空照顧家裡孩子。「全職媽媽」劉美娟近日在社交平台上載照片，原來她趁停課日子，帶一對子女落公園打波，多做運動保持健康，又教仔女煮飯、做家務，從生活中學習，非常難得。
(圖片：劉美娟微博)
今年快將52歲的劉美娟原是演員，1985年參加健美小姐獲亞軍加入無綫，後來接拍過不少劇集，其中以《壹號皇庭》中的大律師「江承宙」最為人熟悉，近年深夜重播劇集，美娟常被截圖重提。2001年，美娟和歌手張崇德一見鍾情就認定對方，兩人火速結婚，不過第一胎囝囝天藍出世不足26小時就夭折死亡，她曾在訪問中表示：「我想幫囝囝做個靈位，但原來係要先領出世紙，個過程真係好難受。」加上兩公婆為了天藍申訴醫生專業失德，長達9年的官司實在令他們心力交瘁，幸最終也真相大白，總算還天藍一個公道。
相關新聞：【牛下女高音】車婉婉現身成黑仔幸運女神 曾喪母失聲 破宿命成幸福人妻
(圖片：劉美娟微博)
(圖片：劉美娟微博)
劉美娟和張崇德隨後誕下一子一女，為專心照顧一對子女，美娟放棄幕前工作。直至在後來的訪問，美娟才道出原來囝囝日希和囡囡日晴同樣患上「選擇性失語症」，他們在學校半句話都不敢講，簡單如「Yes」都有口難言。美娟在訪問中說：「發覺佢哋唔鍾意講嘢，細女依家好返晒，幾年前佢真係一句嘢都唔講，同學以為佢啞嘅。以前細個去到學校門口雙手會僵硬、面紅，叫佢叫人就開始想喊。之後老公上美國網買咗本有關『選擇性不語症』嘅書睇，又搵心理教授。」他們想盡辦法又為女兒轉學；而12歲的二仔雖檢查出是高智能，但不識得表達與別人溝通，所以被欺負，令身心靈受創。
美娟表示跟老公拒用藥治療，反而去見心理醫生助慢慢了解他們的心結。這個「全能媽媽」除了照顧子女日常外，還為老公的音樂學校和演唱會張羅。入得廚房出得廳堂之餘，美娟更非常唱得，早前獲邀上《流行經典50年》唱歌，獲網友一致讚好。
相關新聞：【永遠的偶像】海俊傑凍齡回歸拍港劇《逆天奇案》 悔恨貪玩令當年前途盡失
(圖片：東星娛樂)
每年一家4口都會到大仔靈位前紀念對方。(圖片：張崇德微博)
(圖片：東星娛樂)
(圖片：劉美娟微博)
(圖片：劉美娟微博)
(圖片：劉美娟微博)
撰文：楊安莉