11月8號是張玉珊（Shirley）45歲「牛一」，跟向華勝的感情告一段落後，Shirley亦不愁寂寞，她一向人緣甚廣，生日當然有好姊妹吳千語、周勵淇、松岡李那（linah）替她慶祝。
（IG圖片）
張玉珊一向講求生活質素及品味，生日會當然不乏美食，除咗有大大隻鮑魚，仲有靚酒放題，相當識享受！松岡李那在社交網出Post曬靚酒，只見枱上放了13枝由6千蚊至2萬蚊不等的靚酒，包括法國布根地名牌酒莊紅酒及白酒、波爾多紅酒，還有香檳，難怪松岡李那說幸運能有張玉珊這位姐姐，又讚張玉珊好靚。
呢枝法國紅酒估計價值2萬左右。（IG圖片）
嘆鮑魚。（IG圖片）
相中的張玉珊亦保養得宜，45歲仙氣不減，仲係皮光肉滑，同後生女一齊影相都冇得輸。幾杯落肚，佢已經滿臉通紅。飲飽食醉後，吳千語、周勵淇、松岡李那再開心獻吻祝賀壽星女，場面溫馨。
（IG圖片）
張玉珊15歲時被星探發掘，拍攝香口膠廣告，18歲正式入行做歌手同拍劇。她25歲時已退出娛樂圈，膽粗粗用數千元註冊公司創辦纖體公司，接着全身投入搞生意，2003年公司上市，當時她只有28歲，成為全港最年輕的上市公司CEO。除咗做生意，張玉珊亦樂於做慈善回饋社會，真係又靚心地又好！
（東星娛樂）
張玉珊係「肥姐」沈殿霞好友，肥姐患病後，曾把欣宜交託畀佢。欣宜15歲時已有235磅，令肥姐非常擔心，於是搵張玉珊幫手減肥。到2010年，積極減肥的欣宜體重一度減至128磅，當時亦成為張玉珊纖體公司的「生招牌」。一年減走100磅，絕對是改寫了欣宜的生活！
欣宜最肥時有235磅。（香港電台影片截圖）
最瘦138磅。（香港電台影片截圖）
不過後來欣宜想做返自己，飲食亦開始放輕鬆，體重多次反彈，試過一餐飯食5人分量面不改容，體重開始慢慢上升返。
（IG圖片）
撰文：羅慧怡