陳敏兒因5歲仔血癌離世患抑鬱 終靠一法得救 與廖啟智愛足40年

近日賈思樂舉行一連兩場演唱會，邀請到李司棋、吳浣儀、陳法蓉及陳敏兒等會上台爆大鑊，惟尾場演唱會取消，觀眾未能見到陳敏兒一面。講起陳敏兒，如今她已年屆59歲，但她以前是80年代出名有氣質的花旦，曾經為了家庭息影，甚至患上嚴重抑鬱症，幸好最後與老公廖啟智一同撐下去，是娛樂圈的慈母典範。

曾是當紅花旦為家庭退隱 不眠不休照顧患癌細仔

陳敏兒於1979年加入TVB，認識同期年長3歲的同學廖啟智，開始拍拖。當時她外形標緻，好快就擔正女主角，在成名作《獵鷹》跟劉德華飾演情侶，之後差不多部部都擔正，如在《書劍恩仇錄》演駱冰、《薛丁山征西》演樊梨花、《太平天國》演洪宣嬌；另外她又有做《體育世界》及其他大騷主持，受到TVB力捧，是當紅花旦之一。至於廖啟智仍然是配角，發展有差距，但據傳媒所指陳敏兒沒有介意過，反而於拍拖8年的時候主動提出想結婚，想跟他廝守一生。婚後，二人繼續忙碌工作，直至大仔廖文哲出世，陳敏兒淡出幕前，做全職家庭主婦，而廖啟智就繼續奔波賺錢。

{{hket:inline-image name="16.jpg"}}{{/hket:inline-image}}

(網上圖片)

{{hket:inline-image name="17.jpg"}}{{/hket:inline-image}}

(TVB電視截圖)

{{hket:inline-image name="18.jpg"}}{{/hket:inline-image}}

(TVB電視截圖)

婚後，二人共添了3名兒子，一家5口本來樂也融融，但2003年3歲的細仔廖文諾證實患上血癌。開始化療後，細仔被醫生在手上開了導管，每日透過導管抽血、用藥6至8次，每次長達1小時。有日導管被護士不小心剪斷，陳敏兒只好在細仔血管直接用藥，令細仔痛到淒厲大喊大叫。期間細仔曾因骨髓問題，病情每況愈下，被送進傳染隔離病房10幾日，兩公婆不眠不休等待消息。最後1日隔離，陳敏兒不忍見到細仔受苦，無力地倚在醫院的牆壁說：「我心痛到碎...神點解咁殘忍，竟然令小孩受咁多苦，不如就畀佢死咗佢算...」這3年化療，細仔反覆病發、康復，當時廖啟智日夜照顧大仔、二仔，又帶細仔不斷進出醫院，照顧他起居飲食，再趕去主持節目。

{{hket:inline-image name="11.jpg"}}{{/hket:inline-image}}

(網上圖片)

細仔離世致情緒崩潰 信主得救走出陰霾

直至2006年，細仔離世。受到細仔病逝影響，壓力過大的陳敏兒一度患上抑鬱症，曾經想過尋死。那時候陳敏兒因為廖啟智掛念細仔，長期沒有精神而看不起他，暗暗怪責他做不到別人眼中的完美夫妻：「我覺得我老公好軟弱，我認為係罪，我覺得佢冇用。」幸好二人加入了夫妻營，陳敏兒開始反省自己在細仔抗癌期間也有軟弱的時候，向廖啟智道歉。

陳敏兒明白到廖啟智很愛她，對她好包容，沒過往的經歷，亦不會有現在的成果，所以後來大仔易服，公開表示想做女人，她都能夠表現平淡，澄清大仔只是性別有懷疑，他已認清自己是喜歡女人的男人。一家人回到昔日的平靜，陳敏兒慢慢走出陰霾，親撰文章講述細仔離世的經過和心情：「奮鬥呢3年曾經令我好封閉，但亦令我明白生命係好脆弱...人生在世，仲有咩比家人更重要？把握同佢哋相處嘅時光先最重要。」，又上節目接受訪問，將正能量傳遞給大家：「呢場逆境反而可以將家庭提昇」，非常值得我們學習。

{{hket:youtube id="Llvx6CI88-A"}}{{/hket:youtube}}

▼陳敏兒另外有寫信細仔

{{hket:inline-image name="15.jpg"}}{{/hket:inline-image}}

(網上圖片)

{{hket:inline-image name="12.jpg"}}{{/hket:inline-image}}

(網上圖片)

撰文：張芷晴