TVB劇集《解決師》下星期將進入結局篇，主力走武打路線的藝人楊柳青（Wiyona）今次有突破，在劇中飾演媚俏的秘書，除了跟太子（李天翔飾演）浸泡泡浴談情，更有泳衣戲大show索爆身材。她飾演的Tracy更為咗深愛的太子(李天翔飾演)，不惜用美色接近二世祖温家偉，上映色誘的情節，更被項頌如(陳敏之飾)暗中出賣踢爆她，多來年姊妹情為男人而決裂，在姊妹攤牌的過程中，楊柳青和陳敏之都難忍傷痛而落淚，唔少觀眾都讚楊柳青今次做得幾好，演技有進步！
落力色誘温家偉（《解決師》劇照）
（《解決師》劇照）
楊柳青在劇中深愛「太子」李天翔（TVB影片截圖）
楊柳青是模特兒出身，拍攝過唔少廣告，亦有做主持，之前上ViuTV 《巨門陣》打扮性感而開始多人認識，到17年她在《溏心風暴3》飾演Jenny一角，因為身手敏捷而備受關注，近年更開始轉型做打女，勇敢做新嘗試。由模特兒轉型武打演員，絕對唔容易，楊柳青由零運動到現在巴西柔術、詠春、刀、槍、棍術、馬術她都懂，付出很大努力，除了拍劇外，原來她每日都會瘋狂做Gym，以保持美好身段。
相關新聞：【解決師】22歲丁子朗夠傻討好觀眾 網民眼利睇出隱藏感情線
身材好好呀！（IG圖片）
經常做運動（IG圖片）
楊柳青當初嘗試轉型做打女，是因為失戀，於是想學一樣新事情，後來她選擇了詠春，之後慢慢開始對運動和武術有興趣。
（IG圖片）
但打女之路唔容易行，楊柳青試過壓力爆煲。她說：「我係驚自己喺打方面做得唔好，始終做武打演員，如果連打武打戲都做唔好，條路就會行得更辛苦，所以我嘅壓力係來自武打，都係來自自己」後來電影《入鐵籠》導演教她要識得自我釋放，而楊柳青就選擇做運動減壓，「我有時都會睇電影，以前只係識向前衝，唔識放鬆，好似一隻牛咁。我覺得唔可以失敗，個人好要面子，而家學識放鬆，反而工作表現仲好。」
（IG圖片）
（IG圖片）
撰文：羅慧怡