陳山聰跟拍拖5年的圈外女友何麗萍（Apple）今日（11月1日）正式拉埋天窗，兩人婚禮儀式一切從簡，只設晚宴招呼親戚和圈中好友。下午時分，山聰與家人在酒店房內進行註冊簽字儀式，一大班好兄弟在場見證，當中包括郭政鴻和袁偉豪。山聰一直稱心情不緊張，但直到宣讀誓辭時，他都難忍激動情緒全程哽咽眼濕濕，家人和兄弟們都大為感動。
山聰一向喜愛時裝，今次的禮服都別樹一格，他穿上白色小背心和Apple向長輩下跪斟茶；Apple則身穿陳家裙褂，手上戴了4對龍鳳鈪，相當「重手」。山聰跟郭政鴻多年來都稱兄道弟，在敬茶環節，山聰特別向好兄弟敬茶，令郭政鴻大為感動，攬實一對新人時流下男兒淚，一班大男人感動連場，非常催淚。
相關新聞：【恭喜】陳山聰婚禮從簡照跟足傳統上頭 「我會牽着你的手走到白頭」
(圖片：大會提供)
(圖片：大會提供)
(圖片：大會提供)
(圖片：大會提供)
(圖片：大會提供)
(圖片：大會提供)
山聰和Apple下午見傳媒，應要求大方接吻，Apple手上的2卡鑽戒閃閃生輝，非常搶眼。提到宣讀誓詞時激動落淚，他說：「我拍咁多年劇，都講過類似誓詞同感人對白，但我一拎起份誓詞嗰陣，都以為自己冷靜，不過一讀到自己個名，就忍不住喊，太太依然好冷靜。好開心，好感恩，同她一齊第6年，踏入另一階段，希望以後對佢好啲，每日過得開心，可以簡單快樂生活落去。」
問到會否想三喜臨門，結婚、生仔，再加憑《金宵大廈》得獎？山聰說：「隨緣啦，《金宵大廈》好好反應，希望拿到『最佳劇集』，其他平常心對待，我日日開工拍《大步走》，未有時間『造人』。」
相關新聞：【多圖】陳山聰Apple遠赴法國影婚紗相 「希望畀到佢有個美好回憶」
(圖片：大會提供)
(圖片：大會提供)
(圖片：大會提供)
(圖片：大會提供)
撰文：楊安莉