1975年香港小姐冠軍張瑪莉（Mary姐）現年67歲，依然明艷照人，被稱為「傳奇港姐」嘅佢6歲時遭父母遺棄，過咗4年流落街頭嘅生活，10歲時被社會福利署送至保良局，一直到21歲先離開。直至50 歲，長居國外嘅親生媽媽先主動同佢相認，往後10年二人都經常會面，直到母親90歲離世。Mary姐依家淨係想搵到更多父親嘅足跡，曾幾何時旁人甚至係前夫李忠琛亦唔敢追問，依家因為信仰嘅關係，佢已冇再怨恨父母，亦冇追問媽媽當年點解拋棄佢。
（網上圖片）
中學畢業後，Mary姐在尼日尼亞領事館工作，兩年後，同事鼓勵佢報名參加香港小姐，佢亦好嚮往港姐培訓所提供嘅課程。當初佢冇諗過會贏，無心插柳下Mary姐一夜成名。
（TVB圖片）
Mary孩童時期曾被批評「冇家教」，但就成為佢發展禮儀事業嘅原動力。95 年佢仲成立了張瑪莉市場推廣（國際）有限公司，除咗擔任執行董事、公關策劃、市場推廣以至專業形象培訓指導都親力親為，依家更喺香港浸會大學等高等學府及中學、國內嘅北京大學、清華大學教授禮儀課程。
（張瑪莉Facebook）
感情生活美滿
張瑪莉與李小龍哥哥、前香港天文台副台長李忠琛於 1980 年結婚，1995 年離異，二人育有一子一女。Mary姐同李忠琛離婚時已四十幾歲，其後又忙於經營公關、國際禮儀公司同喺電台當主持。
後來喺美國一場布道會遇到現任丈夫余文平，難得大家嘅子女都好鼓勵佢哋一齊，老公更專誠由美國追到來香港。最初Mary姐只肯承認再婚，但一直都好低調，唔願意透露老公身份。直至舊年先願意講老公係余文平。據知，Mary姐的老爺是浸大傳理學院的創辦人余也魯教授，因此開頭外間估計余文平都係從事教育工作，但實質佢係任職建築師。
（張瑪莉Facebook）
（張瑪莉Facebook）
（張瑪莉Facebook）
再婚嘅Mary依家係余太太，但透露護照上姓氏依然係「李」。Mary同余文平各自嘅另一半同樣喺2008年離世，Mary話老公當年追到返嚟香港，有感係神賜畀佢嘅姻緣，一心要向Mary求婚。余文平嘅仔女喺網上搜尋Mary嘅資料後，表示『Go for it』，鼓勵父親採取行動；而Mary嘅子女都非常喜歡余文平，第一次見面時，女兒甚至到機場接機，仲喺屋企煲定湯。
（張瑪莉Facebook）
講到亡夫李忠琛，Mary難忘佢係一個有才華的科學家，雖身為李小龍的兄長，但每次接受外國傳媒訪問，佢總會強調：「我並非他的兄長，李小龍是我的弟弟。」Mary非常欣賞佢嘅氣概。
（張瑪莉Facebook）
今年清明節身在澳洲墨爾本嘅Mary去拜祭前夫：「在陽光普照的下午，在自己花園剪下Peter（李忠琛）喜歡的白玫瑰探望了他。難得的一個安靜下午。清明節是探望親人和思念的時間。我安心因為知道他日天家可再見。」
（張瑪莉Facebook）
Mary不斷增值自己之餘，更常保持心境開朗，而近17年，佢都堅持每朝喺太平山行山45分鐘；如果天氣惡劣，佢都會去室內游泳，非常健康自律。講到食物養生，佢就表示炸物同肥膩食物佢都少食為佳，可以令皮膚保持最佳狀態。
（張瑪莉Facebook）
（張瑪莉Facebook）
（張瑪莉Facebook）
撰文: 黃蘊姿