馬浚偉（馬仔）近日正展開他的圓夢之旅，舉辦入行多年來首次個人演唱會。日前他邀請到「女神」周慧敏擔任嘉賓，馬仔一向很喜歡周慧敏，視對方為偶像。原本他打算生日（26日）當晚邀請周慧敏做嘉賓，以作為他最好的生日禮物，惟後來演唱會檔期改動，對方都照答應做嘉賓，令馬仔心情非常雀躍。
馬仔在演唱會上化身小粉絲，當周慧敏上台時，他興奮得不停跳，又要求台下工作人員為兩人合照留念，馬仔說：「佢係咪真係好靚呢？唔該大家幫我記錄低呢一刻。如果同你一齊喺個台度，不停提升自己，我要努力讀書之餘，要努力襯得起你先得。」眾所周知，馬仔一向是周慧敏的超級歌迷。今次他開首個個人演唱會，邀請到偶像加持，零舍興奮。周慧敏在台上說：「上次我開演唱會，居然我見到佢喺下面舉燈牌，佢係藝人嚟呀嘛，呢個係要好大勇氣先做到，我覺得你好有Guts（膽量）。」
(圖片：大會提供)
(圖片：大會提供)
(圖片：大會提供)
馬仔笑言：「我特登搵朋友整個燈牌，然後寫：『I Love 周慧敏』下面有隻馬。我好興奮咁舉牌，點知突然有個人坐我旁邊，係倪震（周慧敏丈夫），咁我就即時收斂好多。」周慧敏表示雖然馬仔的生日已過，但自己的祝福是沒時限的，希望做嘉賓可以為他多多加力，讓他能好好享受舞台，馬仔即時打蛇隨棍上，希望可以同周慧敏食飯補祝生日，周慧敏即時大方答應，令馬仔非常開心。
(圖片：大會提供)
(圖片：東星娛樂)
馬仔和周慧敏合唱《萬千寵愛在一身》，馬仔把中間的對白改為：「其實我一直都諗唔明，點解中學鍾意你到依家，咁多年過去，你都仲係咁靚、唔變嘅？」周慧敏則反讚馬仔保養得好：「近距離望你，皮膚好到好似韓劇男主角咁，大家話佢似唔似Rain呀？」
相關新聞：馬浚偉走過抑鬱轉化助人動力 「死後總算貢獻過社會」
(圖片：東星娛樂)
(圖片：東星娛樂)
撰文：楊安莉