林俊傑（JJ）前晚（26日）喺江蘇鎮江開騷前因感冒不適入院吊鹽水，點知事後有人喺網上上載針頭及鹽水袋等的相片留言：「本人提供林俊傑爆款同款醫生，同款配套藥水，已經掛水的血針頭，有需要微信留言。」原來有人將佢留院期間，用以吊鹽水嘅醫療物品留起咗仲放上網賣，其中一張相仲見到有血留喺上面，咁都拎嚟賺錢，認真恐怖！
咁都得？（微博圖片）
冇耐之後又再有人留言話「已經被歌迷拿走了」，究竟拎嚟有咩用？（微博圖片）
另外，網上仲流傳一條短片，指係「林俊傑睡過的牀，輪流上去滾了一圈。」從短片中可見，多位醫護人員裝扮的人表現興奮咁喺病牀上打滾同影相。（微博圖片）
（東星娛樂）
事後呢幾個帖文都引起網民好大回響，批評醫護人員「冇醫德」，洩露林俊傑私隱之餘又唔妥善處理醫療垃圾，唔衛生亦唔道德等，林俊傑國際歌迷會仲嬲到發聲明要求院方解釋。
仲同佢影相留念，當正佢係珍藏品咁觀賞，認真瘋狂！（微博圖片）
其實林俊傑呢類事件都唔係第一次發生，可能明星有一種遙不可及嘅感覺，所以有部分狂迷願意不惜工本去「親近」自己偶像，譬如買一啲偶像用過嘅貼身物品，就可以同偶像間接接觸。聽落雖然好詭異，但其實呢門「生意」有價有市！
梅艷芳
2003年12月30日因子宮頸癌病逝嘅梅艷芳，故居逾400件遺物於2013年被拍賣，2015年遺產管理人滙豐信託仲拍賣梅姐嘅內衣，令人萬般感慨！徒弟譚耀文得知師父遺物被拍賣後大怒，誓要捍衛梅姐尊嚴，講到激動之處更泣不成聲：「侮辱咗一個為香港付出咁多嘅巨星、影后、歌后，你用百幾二百元底價拍賣佢啲私人嘢，即使賣到十億都係一種侮辱！」
（東星娛樂）
內衣褲牌都未剪。（網上圖片）
莫文蔚
莫文蔚早前喺湖北舉行演唱會，佢曾下榻嘅酒店喺佢離開之後竟舉行「莫女神花園套房競拍」活動，更以「餘溫尚存、餘溫尚在，今夜等你！」為題，聲稱最高競價者除可享用莫女神入住過嘅花園套房一晚，更可享用豪華自助早晚餐，連女神用過嘅浴室毛巾同一次性用品均可帶走。
搵錢冇底線。（微博圖片）
房間拍賣價為8,800元人民幣（約9,655港元）起跳，每次叫價提升500元人民幣（約550港元）或以上，消息一出網民都直斥低俗同令人反感。當地為莫文蔚舉行演唱會嘅公司都發聲明，指酒店行為「嚴重損害莫文蔚形象，宣傳圖片上的文案更是挑戰大眾的道德底線」，酒店見惹起公憤即作出道歉，指因管理工作失誤所致。
（東星娛樂）
吳亦凡、潘瑋柏及Angelababy
吳亦凡、潘瑋柏及Angelababy今個月到日本拍攝節目，並在當地品嚐美食。網上流傳有人開價出售吳亦凡用過嘅口水筷子、潘瑋柏飲過嘅汽水，以及Baby用完嘅面油紙，有網民批評賣家做法令人嘔心，揚言要杯葛。
Baby用完嘅面油紙你又想唔想要？（東星娛樂）
（微博圖片）
蔡依林
{{hket:inline-image name="TUNGSTAR6070441.jpg"}}{{/hket:inline-image}}
（東星娛樂）
2008年有一位賣家在網上拍賣蔡依林食跌嘅23粒芝麻。賣家指佢手上有蔡依林食熏雞燒餅散落嘅芝麻，商品上架後，一星期收到62筆查詢，最終以1萬人民幣（約1萬1千港元）成交。
撰文：黃蘊姿