《牛下女高音》黃心穎對白夠晒諷刺「我點錯都一定唔會搞人老公」

劇集《牛下女高音》播放進入第3星期，起初不少觀眾揚言因有黃心穎而罷睇，不過劇中5位中佬的故事，成功挽回不少分數，收視平穩。劇情提到幾位中佬「陸同」（歐瑞偉飾）、「黑仔」（曾偉權飾）、「遊子」（鄭敬基飾）和「黃河」（蔣志光飾）獲「大爆」（吳岱融飾）安排而住在一起，他們的生活「麻甩」得來又非常搞笑。他們亦以「合唱團」名義重組演出，激發起中佬對夢想的追求。

可惜，黃心穎飾演的「雪兒」埋藏不少秘密，除了夾埋好友「阿Nam」（張振朗飾）扮兩公婆呃爺爺「白千巖」（鍾景輝飾）外，還因經濟拮据要努力搵錢，到大爆的酒吧兼職。身為叔叔輩的大爆知情甚多，但就做好人為她保守秘密，又容許她暫時不用交欠租，沒想到惹來大爆的太太「靜怡」懷疑他「出軌」搭上雪兒，於是不停暗查二人，又裝閉路電視監察。

相關新聞：《牛下女高音》黃心穎坐的士惹聯想「安心偷食」 82歲鍾景輝退休作三大貼地位

{{hket:inline-image name="01UA.jpg"}}{{/hket:inline-image}}

（圖片：《牛下女高音》電視截圖）

{{hket:inline-image name="11DH.jpg"}}{{/hket:inline-image}}

（圖片：《牛下女高音》電視截圖）

{{hket:inline-image name="11BBA.jpg"}}{{/hket:inline-image}}

（圖片：《牛下女高音》電視截圖）

日前雪兒的對白已相當有意義，她說：「有好多嘢係返唔到轉頭，我好努力咁想向前行，我想做返自己，過返自己嘅生活。」好似正是「潛水」中的她的心聲。而在今晚的劇情預告中，雪兒更激動地向靜怡說：「我知我成日做錯嘢又做得唔好，但我點錯都一定唔會搞人老公！」此言一出，網友反應甚大。事關現實生活中，黃心穎正因搭上鄭秀文的老公許志安而「出事」，實在是非常諷刺。

{{hket:inline-image name="YUS_0787.JPG"}}{{/hket:inline-image}}

（圖片：TVB《牛下女高音》劇照)

網友的留言如下：

「黃小姐佢講呢句：唔會搞人老公，都幾諷刺啊，中晒！TVB擺明玩嘢， 仲要放喺預告！」
「我唔會搞人老公，竟然由黃小姐把口講出嚟，想笑死人咩。」
 「TVB真搞嘢，一矢中的，入晒，叫黃小姐顏面何全。」
「真是諷刺！話唔會搞人老公！口裡説不，行動話Yes。」

相關新聞：【安心偷食】黃心穎IG終於蒲頭 ！ 道歉：「唔知道點樣面對馬明」

{{hket:inline-image name="20478687_493411010993680_4717545262782873600_n_600.jpg"}}{{/hket:inline-image}}

（圖片：黃心穎IG)

{{hket:inline-image name="68723390_2503350186391044_809388588385959936_n.jpg"}}{{/hket:inline-image}}

（圖片：黃心美Facebook）

黃心穎的大家姐黃心美近日亦經常被問及妹妹新劇出街的事，她在社交平台留言說：「老老實實，我冇追睇，如果咁啱嗰晚喺屋企睇到就睇，就係咁。亦唔好再問我覺得細妹做成點，我唔係一個好叻Acting嘅人，我冇資格去評論任何人嘅演技。我只覺得，作為一個Artist，拍咗嘅作品有得出街係開心事，至於反應如何，亦唔喺控制範圍之內，亦一定會有人鍾意有人唔鍾意，完！」她直言任何事都有很多聲音，不過對於沒養份的留言，她不會去看。

撰文：楊安莉