《愛回家之開心速遞》今晚（25日）有新人物出現，說新不新，因這個角色一直都有耳聞，只是從未真正亮相，這人正是「雷公」，亦即「細龍太」雷珍妮（陳偉琪飾）的地雷集團爸爸。過往雷珍妮在劇中被龍家人欺負的時候，她總會話：「你信唔信我打畀爹地？」、「我爹地雷公呀！」不過一直都只聞樓梯響，真人從未現身，今晚這集終於出現。原來雷公是由資深演員白彪飾演，夠晒威水！
相關新聞：【三演郭靖】白彪重返無綫永不言休 73歲照做運動操弗自己
(圖片：陳偉琪IG )
(圖片：陳偉琪IG )
陳偉琪在社交平台上載合照，她與「細龍生」鄭世豪、「大龍生」羅樂林和「雷公」白彪合照，兩家親家終於聚頭，不少網友都大感驚喜，更有人留言說：「妳同時同郭靖和楊過影相，好勁！」無錯，「大龍生」羅樂林是第一代《神鵰俠侶》的楊過，而「雷公」白彪則三度演《射鵰英雄傳》的郭靖，兩人都是經典中的經典，今次因《愛回家》而成為親家，真是非常難能可貴的畫面。
(網上圖片)
(微博圖片)
鄭世豪和陳偉琪分別接受《晴報》電話訪問，世豪表示：「劇中同細龍太結婚2周年，但外父一直係隱藏的人物，今晚呢集終於出現。由細就睇白彪哥嘅戲大，過往我曾經有同佢合作過，不過今次佢演我外父。大家都知我老婆係麻煩嘅女人，佢係老婆個爸爸，感覺個氣勢好厲害，好似同一個霸者開工咁！」
陳偉琪亦表示：「好開心，一見到係彪叔真係好興奮。其實一直好期待雷公出現，終於現身，希望大家鍾意，而且又有新火花。而佢老婆即係我媽媽都未出現，不過我期待嚟緊可以同爸爸一齊出去蝦蝦霸霸！」她指「情夫」彭紀諺都是一個驚喜，原來陳偉琪跟彭紀諺早於訓練班時就認識，對方又跟鄭世豪相熟。所以有這個角色出現，兩人都建議由彭紀諺客串演出，她說：「今次係彭紀諺告別作，係佢喺無綫最後一個演出喇，作為一個友情嘅紀念，幾有意思。」
(圖片：陳偉琪IG )
(圖片：陳偉琪IG )
對於明年起《愛回家》將會播出一星期7晚，陳偉琪說：「做藝人嘅唔算辛苦，反而係好好機會畀更多唔同劇中嘅線可以發展，不過可能就會辛苦幕後團隊，要好努力去寫搞笑又好玩嘅故事！」而鄭世豪表示不介意密密開工，事關一眾《愛回家》團隊都已成為生活的一部分，希望劇集愈來愈好，為觀眾帶來正能量。
相關新聞：《愛回家》明年起播足一星期七晚 送水輝前妻出現同大小姐爭仔？
(圖片：陳偉琪IG )
(圖片：陳偉琪IG )
撰文：楊安莉