【有片】吳博君患漸凍人症無力癱病牀 竭力生存親揭獲娛樂圈兩人力撐

現年63歲的「TVB綠葉王」吳博君，去年證患上「漸凍人症」，該病在醫學上暫無法根治，他說「喺張牀度郁唔到，但頭腦仲係好清醒先最痛苦！」吳博君現時要定期接受治療，雖然有前老闆每月資助、藝進同學為他籌款，但每月醫藥費、交通費都接近1萬元，他暫時又未能申請綜援，經濟壓力甚大。近日香港演藝人協會邀請吳博君拍片剖白，希望為他籌募費用。

喪失自理能力幸有老婆照料 得軒仔Fiona力撐重燃希望

吳博君早前接受《晴報》專訪，談及自己從正常到四肢癱瘓、須靠輪椅出入，心情大受打擊：「雙手同腳開始冇力，醫生形容個病比癌症更麻煩，最後好可能完全癱瘓，好似霍金先生。」最近吳博君在演藝人協會短片中哽咽講述病情：「平常人做到好簡單嘅嘢...沖涼要人幫手，大、小便喺牀，要用成人紙尿片解決...行都行唔穩，肌肉流失好多，力量少咗好多，瞓咗喺張牀直頭起唔到身，乜都做唔到。」

由於吳博君喪失自理能力，起居飲食要依靠老婆照料。吳太曾患小兒麻痺，其中一隻手活動不方便，但她都特意停工，不辭勞苦照顧吳博君，因此吳博君接受《晴報》專訪時曾說：「冇咗佢唔知點算，晚年能有如此禮物好感恩。」吳太就話：「我唔覺得辛苦，想將正能量發放出去。」

相關新聞：吳博君患漸凍人症歷盡人情冷暖 全靠正能量太太撐住

{{hket:inline-image name="13.jpg"}}{{/hket:inline-image}}

(YouTube截圖)

演藝人協會得悉事件後，為吳博君開立專戶接受捐款，不少藝人都力撐，吳博君特意於短片中道謝：「亂晒龍，冇晒方向感，完全諗唔到出路，好彩太太搵咗演藝人協會，佢哋派人探我、幫我。我唔知人哋點諗，唔敢同人哋求助，後來發現好多有心人。我曾經講過嘅薛凱琪，佢又唔識我，我又唔識佢，佢都揼咗舊錢出嚟，好有心，真係估唔到。好似『軒仔』張敬軒，我同佢都唔熟，他諗都唔諗就揼舊錢嚟幫我，好意外，點解人人咁好心。」

相關新聞：「漸凍人」吳博君醫藥費負擔沉重 演藝人協會發起募捐

{{hket:inline-image name="14.jpg"}}{{/hket:inline-image}}

(YouTube截圖)

吳博君現時積極面對疾病，每日做簡單的運動和肌肉訓練，希望拖延病情惡化：

「世事無常，今日唔知聽日事，下一刻係點都唔知，要好好珍惜。我希望大家無論如何都唔好放棄，你唔同病魔鬥過都唔知輸定贏。」

{{hket:inline-image name="15.jpg"}}{{/hket:inline-image}}

(YouTube截圖)

飽受疾病困擾毋忘初心 希望有日繼續演藝夢

吳博君於1970年加入TVB，雖然沒做過主角，1997年更被TVB裁員，但如今飽受疾病困擾的他，仍沒忘記做演員的堅持，希望繼續行演藝路：「我同期同學有湯鎮業、李成昌、廖啟智、陳敏兒。我冇最難忘嘅角色，因為做得太多，一啲少少發揮到嘅角色都仲有印象，就有《笑傲江湖》嘅『桃谷四仙』、《天龍八部》裡面嘅『風波惡』。演員嘅責任就係盡心，就要盡量演好、發揮好，呢個係應該做嘅事，唔好理角色係大定細。依家有機會就會演，有句叫做『一日演員，一世演員』，我無悔做一個演員，因爲我鍾意演戲，我愛上演戲。」

{{hket:inline-image name="11.jpg"}}{{/hket:inline-image}}

(YouTube截圖)

{{hket:inline-image name="12.jpg"}}{{/hket:inline-image}}

(YouTube截圖)

{{hket:inline-image name="16.jpg"}}{{/hket:inline-image}}

(YouTube截圖)

撰文：張芷晴