曾偉權在《牛下女高音》中飾演的「黑仔」，個性斯文怕醜，頭頭碰着黑，道盡中佬的無奈，隨後在合唱團重組後重拾熱血，繼續走人生下半場。今年57歲的曾偉權現實中都是中佬一名，劇中滿頭白髮原來不是造型，他笑言：「戲入面我冇染白髮，反而係依家刻意染黑。對於年紀，我覺得中佬就係中佬，唔需要刻意去抗拒。人到中年，好多事識得處理，做事都比較成熟，亦明白好多事都唔可以強求。」或許正是這種淡然，令他在劇裡發揮得特別貼地。
相關新聞：【卡拉屋企】曾偉權與梅小惠因一事分手 享受單身救流浪貓狗視為伴侶
(《晴報》圖片)
(《晴報》圖片)
(圖片：《牛下女高音》電視截圖)
(圖片：曾偉權Facebook）
(圖片：曾偉權Facebook）
(圖片：曾偉權Facebook）
曾偉權雖不似黑仔般倒霉，不過他的演藝之路亦非一帆風順。1982年畢業於麗的電視最後一期藝員訓練班，與何家勁、葉玉萍是同學。當年電視台曾想在他與何家勁之間選劇集《大將軍》的男主角，最終因造型被認為輸給何家勁而令他失去了演出該角色的機會。1984年曾偉權原獲安排在《十二金牌》演「岳雲」，後來改演「張憲」，最終2個角色分別由黎漢持和羅樂林頂上，機會再一次離他而去。至1986年的《少林英雄》，曾偉權原獲安排演男主角，他卻以身體不適為由辭演，改由江華頂替。
後來，曾偉權於1990年轉投無綫，可惜機會不多，一直都是演配角的角色。曾偉權說：「我覺得自己比較幸運，讀書時代鍾意做嘅事依家做緊，唔幸運嘅事當然有，因為呢一行好多機會都係被動，你問我有冇理想未達到，當然有。我曾經被亞視炒魷魚添，佢哋話我工作表現差、操守唔好，我梗係會心有不忿，因為我知自己根本唔係咁嘅人。」
（網上圖片）
（網上圖片）
（網上圖片）
曾偉權逆來順受，只求繼續有機會演出，就是人格的最好證明。他說：「幸好離開亞視之後，有不少嘢做，馬來西亞電視台又搵我拍節目，離開亞視之後2至3年來都冇停落嚟，計起上嚟，我賺嘅錢比亞視嘅日子多幾倍，算係不幸中嘅大幸。好多事都冇辦法強求，人一定會擔心，不過個天自然會安排，事情好與壞都會影響到你，其實亦是成全今時今日嘅你。負面思考對事情冇幫助，就算係逆境，都唔使太灰心，做好自己就可以，呢個係我人生嘅得着。」
相關新聞：【牛下女高音】與吳岱融事隔30年再演夫妻 龔慈恩舊片出土靚足咁多年
(《晴報》圖片)
曾偉權較為人熟悉的就是跟梅小惠的一段情，後來因第三者介入而分手，至今仍保持單身，以寵物為伴，領養兩狗一貓。他說：「我鍾意狗係因為狗係好單純嘅動物，你對佢好，佢會百分之百對你好，唔會因為你有屋、有車，只要你肯陪佢哋就得，我鍾意狗多過人。如果對動物好的話，人品都唔會差。」
曾偉權愛狗的程度絕對是大愛，他不只愛錫自己的寵物，連外面的貓貓狗狗都一樣照顧，除了呼籲大家領養代替購買之外，他說：「如果我喺街頭見到流浪狗嘅屍體，我會為佢哋安排火化，咁樣起碼畀呢個生命一份尊重。養動物前問清楚自己目的係咩，如果要佢哋看門口，終日日曬雨淋，咁不如唔好養，佢哋唔係工具，係一個生命。」
(《晴報》圖片)
(圖片：曾偉權Facebook）
(圖片：曾偉權Facebook）
(圖片：曾偉權Facebook）
(圖片：曾偉權Facebook）
曾偉權家中的「小吉」和「金仔」都是領養回來，由於上一次養的「阿B」去世，在待領養的狗狗入面遇到金仔，覺得同阿B好似樣，感覺是一場緣分，所以就領養回家，他說：「狗仔得10幾歲命，做主人應該學識點面對生離死別。當我哋盡晒能力對佢哋好，最終同人一樣都會離開。我哋要學識放手，唔好因為怕傷心而唔再養，反而應該將呢份愛繼續承傳落去。」
撰文：楊安莉