今年53歲的蘇志威和48歲的劉小慧結婚多年來，一直恩愛如昔，每次劉小慧開直播時，蘇志威都盡可能在場協助，一時遞上水、一時又睇實網絡順暢情況，非常細心，特別是劉小慧退隱幕前多年，身為老公的蘇志威得悉她想做KOL時都全力支持。
昨晚兩公婆難得一齊開直播，介紹健髮產品，一開始就禁不住瘋狂放閃，簡直羨煞旁人，他們提到日前無綫的「無綫大寶藏」重播兩人結婚時的新聞片段，當時仍然有節目《城市追擊》，主持人更為他們送上祝福。
相關新聞：劉小慧開直播同時亮相《姊妹淘》 兩大穴位紓緩M痛不適
(圖片：劉小慧Facebook截圖)
(圖片：劉小慧Facebook截圖)
(圖片：劉小慧Facebook截圖)
蘇志威說：「10月20日當晚我不停收到短訊，原來TVB揾返條片出嚟！其實我哋有兩個結婚周年，我哋係1997年12月26日偷偷哋喺美國拉斯維加斯註冊。不過我老婆完全唔記得，BOXING DAY咁易記都唔記得，娶呢種老婆幾好，唔使諗結婚周年點慶祝。」 蘇志威續言：「10月20日的日子係因為當時有咗大女Yumi，想個女出世前擺酒請所有朋友，堂堂正正公開講，當年娛樂圈唔興將結婚事蒲面，冇人敢大肆揚言自己結婚，我哋算係幾破格，咁所以10月20日都算係一個結婚紀念日。」
(圖片：《無綫大寶藏》網上截圖)
(圖片：《無綫大寶藏》網上截圖)
(圖片：《無綫大寶藏》網上截圖)
他們笑言若不是朋友將短片傳給他們，他們都不知道這天是紀念日，事關平日都只習慣慶祝12月26日的日子，蘇志威說：「一家人食飯睇戲就係慶祝， 好平淡，基本上開心就得，唔使搞咁多麻煩嘢。」而劉小慧直言最重要一家人健康，更甜到漏放閃合唱《至少還有有》，小慧說：「你陪我行到最後個段，白頭到老，歌詞寫『直到視線變得模糊，直到不能呼吸』幾感動，生命中咩都冇晒唔緊要，至少還有你。」
相關新聞：「得閒修女」劉小慧示範腳趾罅醫頭痛 3個月吸近3.4萬忠粉
(圖片：劉小慧Facebook）
小慧認為夫妻相處是一門好大的學問，新婚總是甜蜜，像失明一樣看不到對方的缺點，蘇志威表示兩公婆最重要是溝通，如果一邊習慣順理成章，另一方忍足這麼多年，總會有爆發的一日。小慧說：「其實我由細到大都覺得，只要信任對方的話，咩都可以坦蕩蕩，我哋電話密碼、銀行戶口全部都冇秘密，我聽過一個朋友講，佢同老公已經有個7至8歲嘅女，老公每晚收工返屋企都會多謝個老婆，咁辛苦煮餐飯畀佢食，我覺得好甜蜜，真係好難得，佢兩個仲要有講不完心事，每晚都拖住手傾偈，我覺得好羨幕。」沒想到蘇志威大爆：「羨咩慕者，你連攬住瞓都唔畀，講咩羨慕？」小慧笑稱自己是個人問題，如果被攬實會透不過氣來，兩公婆公開打情罵俏，認真甜蜜。
撰文：楊安莉