汪明荃做足31年品牌代言

汪明荃（阿姐）昨日到西貢清水灣片廠拍攝新一輯床上用品廣告，品牌集團主席鄔友正與太太翁嘉穗前來探班。阿姐擔任代言人不知不覺已31年，她對翁嘉穗笑說︰「耐過你哋結婚呀，幾長情。」被問到老闆是否每年都有加人工？阿姐笑說︰「少少啦，今次拍多一條新嘅廣告片，諗住打開馬來西亞市場。」問阿姐品牌可曾邀請她與羅家英夫妻檔拍廣告？她說︰「暫時未，諗下先，佢都好多廣告，佢嗰啲就搞笑啲。」

阿姐早前完成西九粵劇演出，近日又飛往新加坡工作，問到何時停下來與家英哥旅行？她笑說︰「有工開好難得，年紀再大啲就做唔到，下星期要錄影《娛樂大家》，月尾會喺新光演出三日《帝女花》。」