86年在亞視重頭劇《秦始皇》演嬴政而聲名大噪的劉永，自07年娶了細自己30歲的內地太太黃麗燕後，便定居深圳，並育有兩個分別12同8歲的囝囝，自此他便鮮有在香港出現。最近有報道指劉永帶著兩兒子，由深圳搬返香港暫住酒店，但不見太太蹤影。據知是因為內地嫩妻狠撇劉永，要求跟他離婚，原因除了夫婦相差30年，代溝太深外，而劉永的事業風光不再，也讓太太很不滿意，成為離婚導火線。據知劉永為得到兩個兒子的撫養權，不惜將深圳的樓賣掉，把一半款項分給前妻。
（東星娛樂）
劉永一家（微博圖片）
劉永今年已經68歲，面對人到老年第三度離婚，他選擇低調處理，也祝福前妻。他說：「都唔緊要啦，我覺得唔開心總會過去，佢咁後生，我都就快70歲，唔可以控制佢點做。我已經一把年紀，仲有咩未見過呀。」劉永稱現在正在香港找落腳地，而酒店比較平，所以暫住先，之後都會搬去村屋，一切在計劃當中。
劉永而家要獨力照顧兩個仔（微博圖片）
劉永早年性格暴躁衝動，前兩次婚姻都是失敗收場，更有打女人的前科。他的第一任妻子是台灣藝人戴良純，二人因合作電影《三十年細說從頭》相識，拍拖冇幾耐83年就結婚。可惜婚後戴良純發現劉永不但酗酒，仲有家暴傾向。一次爭執時，劉永更用利器劃傷戴良純的臉，傷口長達十公分，讓她差一點便毀容。事後劉永相當後悔，但戴家沒有原諒他，以「殺人未遂罪」起訴劉永，台灣之後禁止劉永出境。後來他們簽下和解協議書，劉永支付戴良純醫療費及整容費約160萬港元，件事先至告一段落。
第一任妻子戴良純（網上圖片）
（微博圖片）
到了92年，首屆亞洲小姐冠軍黎燕珊不理身邊所有朋友反對，嫁給劉永。94年誕下大女，98年再生細仔。可惜到2000年夫妻關係嚴重惡化，更有傳黎燕珊是難忍劉永家暴而選擇離婚。黎燕珊甚至向高等法院申請禁制令，禁止劉永接觸自己及子女，怕身心受到傷害，到2004年二人正式離婚。對於前夫離婚，黎燕珊稱：「人哋家事我唔回應，我只會做個盡責媽咪。」
相關新聞：《十二傳說》前夫「第三春」娶細30歲嫩妻 黎燕珊單親媽媽育仔女成才
黎燕珊近照（東星娛樂）
現時做單親媽咪照顧兩個仔女（受訪者提供）
偶然都會帶對仔女同劉永見面（微博圖片）
撰文：羅慧怡