【離巢潮】張文采被指請辭首席主播等通知期效力無綫10年心灰意冷離場

發佈時間: 2019/10/16

有消息指，早前升為無綫新聞部首席主播嘅張文采上月已向無綫請辭，係繼前新聞小花梁凱寧離職之後，又一位人氣主播離巢。

（張文采微博）

梁凱寧（無綫新聞截圖）

梁凱寧（左）早張文采一步跳船。（麥詩敏IG）

張文采效力無綫10年攀上首席主播之位。由於佢嘅工作崗位重要，需要3個月通知期，故9月份已遞辭職信嘅佢，要到11月至12月初先正式結束主播生涯，目前正在休假。

而張文采嘅請辭原因就眾說紛紜，有指佢工作得唔愉快。張文采接受傳媒訪問時冇否認亦冇直接承認離巢，只話自己仍未離職，唔方便透露太多。

張文采報天氣相信大家都好深刻。（無綫新聞截圖）

另一新聞女神陳嘉倩（右）亦一早離巢。（張文采微博）

走吓一個，走吓又一個。（張文采微博）

另外，有報道指49歲的喬寶寶亦已跟無綫提早解約。喬寶寶於2006年憑無綫節目《殘酷一叮》入行，之後機會不斷，可惜後勁不繼，近年收入大減，無綫亦冇太多工作安排。

喬寶寶於是毅然同無綫提早一年完約，離開工作接近13年嘅地方喬寶寶大呻唔捨得：「好多謝咁多年幫過我嘅恩人，但近年真係好靜，我留喺香港都無嘢做，咁倒不如返蘇格蘭享受家庭樂啦！」

（喬寶寶Facebook）

喬寶寶於2013年5月移居蘇格蘭，並宣布退出娛樂圈，但同年10月重返香港及復出，更投資飲食等生意，不過餐廳生意現已結束。早年又同友人合資搞生果店，佢亦將會退股，預計出年2、3月就會結束香港嘅一切，舉家返回蘇格蘭，但他話若香港有工作可以包機票住宿都會返香港接Job，因為佢仍好喜歡娛樂圈嘅工作。

（喬寶寶Facebook）

撰文：黃蘊姿

最新文章