繁忙時段港鐵和巴士非常擠迫，女仔切記要保護自己，因為疑似色魔可能隨時在身邊。近日《東張西望》收到受害者投訴，指有港男在巴士上坐在年輕少女旁邊，疑用腳磨擦對方。節目派出攝製隊採訪多日，主持利穎怡大膽追捕港男，對方卻立即拔足狂奔，其後更表示「冇嘢想講」。
(TVB電視截圖)
(TVB電視截圖)
港男巴士上疑非禮多名少女 片段曝光令人咋舌
據致電《東張西望》的受害者陳小姐表示，今年7、8月開始，每天早上她都會在巴士上見到疑似猥瑣男：「一上到巴士就會開始搵目標，佢通常都喺下層，專門揀一啲年輕啲嘅女仔，特別着短裙、短褲，特登慢慢坐得好埋。」
陳小姐曾拍下片段，主持林希靈睇到後形容該港男斯斯文文，身材瘦削，椅子也坐不滿，整條右腿疑緊緊貼着旁邊短褲少女的左腿，少女微微一縮，狠瞪他一眼，但他絲毫沒退縮，反用左手撐住椅墊借力，疑側身再貼緊些；見少女沒有即時反抗，疑更乘勢再靠近點，又側身疊腳，坐姿奇怪。
(TVB電視截圖)
(TVB電視截圖)
突然，港男起身換到另一名短裙少女身邊坐下。據節目所說與畫面所見，今次他同樣側身坐，疑不斷緊靠少女，主持利穎怡都睇到忟：「挨完一個又一個，有冇搞錯？」
(TVB電視截圖)
▼主持到街上訪問女途人，大家都不能接受片段中港男的行為。
(TVB電視截圖)
以為只有2個受害者？陳小姐續說：「應該起碼10幾個（最誇張見到佢一程10分鐘嘅巴士侵犯幾多個女仔？）有試過幾個，因為如果女仔落咗車嘅話，佢就會喺短短幾分鐘內再搵下個目標，非常猖狂。（你覺得佢有冇生理反應？）其實唔清楚，佢個樣係會有啲滿足，都會有呢啲反應。」
利穎怡都忍不住說：「佢好似愈埋愈High咁，去到最高境界，5隻手指突然僵直，之後先慢慢滿足咁鬆弛番？」陳小姐認同：「真係好變態...試過有人當場鬧佢，佢會擰轉臉睇睇，或者扮講電話、扮聽唔到，第二日做同一樣嘢。」大律師陸偉雄表示，如果干犯了猥褻侵犯罪，一經定罪可即時判監14至28日不等。
(TVB電視截圖)
(TVB電視截圖)
利穎怡即場捕獲疑似色魔 色魔逃跑警方不受理
據知，該名港男每天會在8點30分到巴士總站上車。為揭開真相，利穎怡決定親身搭車兼在下車時追訪他，結果港男便拔足逃跑。利穎怡冇放棄，邊問邊追住他，雙方在碼頭展開追逐戰。最後港男一個箭步跑進天星小輪碼頭範圍。後來節目人員再次出擊，問港男想不想回應或者尋求援助，但他說：「冇嘢想講」，拒絕回應。
(TVB電視截圖)
(TVB電視截圖)
(TVB電視截圖)
雖然陳小姐事後報警，但她指警方說要即時致電999才有效。
(TVB電視截圖)
撰文：張芷晴