全城熱捧的《金宵大廈》昨晚（13日）圓滿結束，結局大玩穿越情節，陳山聰經過數次穿越，雖改寫不到前世與李施嬅的結局，但改變了現代時空，令現代的李施嬅成功活下來，二人在天台相遇對望，畫面淒美感人。除了一班演員大獲好評，貫穿全劇的黑貓「靚寶」也是網友最愛。牠憑着精靈可愛的樣貌、圓碌碌的眼睛，可愛萌樣成功收服不少粉絲。TVB當然不放過好機會，在Big Big Shop推出靚寶同款毛公仔，售價$138，而且是限量發售！
（IG圖片）
主人阿Me同李施嬅合照。（IG圖片）
昨晚播出的《東張西望》，主持李旻芳帶上真靚寶同靚寶毛公仔一齊做訪問，靚寶全程好乖巧，任抱唔嬲，影片所見成班街坊都超鍾意靚寶，有市民亦大讚靚寶毛公仔造得好似，特別是眼睛，事關公仔眼神相當精靈，似足靚寶，一班街坊仲話好想帶隻公仔返屋企！
相關新聞：《金宵大廈》靚寶被網友力捧成男一 主人：BB出世要同貓狗共融絕不棄養
李旻芳帶埋靚寶公仔做宣傳。（圖片來源：TVB）
（圖片來源：TVB）
小朋友都好鍾意靚寶！（圖片來源：TVB）
靚寶不單止俘擄不少香港市民，牠的乖巧和親和力，也深得《金宵大廈》劇組的喜愛，連原本怕貓的陳山聰都可以克服心理障礙，抱住靚寶拍戲和影相。當時為讓陳山聰適應同貓咪合作，劇組特地造了一隻道具黑貓，或有時用來做靚寶的替身，拍攝危險動作時可用上，也許是次TVB推出靚寶公仔商品的靈感來源，就是這隻道具貓！
相關新聞：【金宵大廈】靚寶可愛背後隱藏坎坷身世 飽受生癬折磨幸得主人不離不棄
（IG圖片）
隻道具貓同靚寶似到十足呀！（微博圖片）
從Big Big Shop網站所見，靚寶毛公仔全身都是柔順的黑毛，眼仔圓碌碌，頸上綁了一條紅帶，寫了「靚寶」二字，非常可愛，未知會否吸引《金宵大廈》的粉絲購買呢？靚寶公仔造得咁神似，《睛報》就訪問了主人阿Me，問她會不會買隻留念，她回答：「都似嘅幾靚！」但就稱未買來做紀念。
（圖片來源：Big Big Shop）
撰文：羅慧怡