現年35歲，馬來西亞籍嘅無綫花旦楊秀惠是華姐出身，20歲參選《2004年國際華裔小姐》獨闖香港，可惜5強止步，但即被無綫力捧出道，拍青春偶像劇《赤沙印記@四葉草.2》。
（東星娛樂）
不過她後勁不繼，因經常飾演第三者等角色而被定型。惟楊秀惠近年開始「轉運」，去年首次做女一演出《十八年後的終極告白》，更憑《大帥哥》飾演「艾妞」一角獲網民激讚演技大爆發，更獲提名《萬千星輝頒獎典禮2018》「最佳女配角」吐氣揚眉。
（東星娛樂）
（《大帥哥》劇照）
楊秀惠入行以來緋聞唔多，最令人深刻嘅係佢同孫耀威嘅一段情。2007年二人合作拍《Click入黃金屋》傳緋聞，之後女方擔任孫耀威嘅音樂電影《分手公司》女主角，一直低調發展地下情及有傳同居，但戀人關係只係維持一年幾。
楊秀惠與孫耀威。（東星娛樂）
之後楊秀惠與著名測量師麥鏡開的兒子、從事金融行業的Ray拍拖，經常雙雙現身圈中好友聚會，包括2010年出席莊思敏的生日派對，惟感情只維持2年，有傳是女方主動提出分手。
直至2012年，真命天子先至出現。楊秀惠被發現與葉姓富貴男友於半山同居，不時傳婚訊。佢曾表示希望盡快結婚生B，自嘲「姐姐年紀都大」，覺得結婚生仔一定會發生喺自己身上，更憧憬在歐洲舉行婚禮。原來秀惠早於今年初在外地秘密結婚，並於上月在香港正式入紙申請註冊，以原名楊㛢僡登記，丈夫名字葉世揚亦正式曝光，比女方年長3歲，二人同報住渣甸山畢拉山道，但冇申報職業一欄。
（網上圖片）
其實楊秀惠自從拍完《大帥哥》，已同男友積極籌備婚禮，但佢做足保密工夫，連好姊妹湯洛雯、朱千雪同蔡思貝等都唔知佢秘婚一事，都係睇報道先知道，仲話秀惠風格一向都係好低調，話恭喜晒佢同埋好戥佢開心。
（網上圖片）
楊秀惠同時係跨國美容王國掌舵人。2013年投資逾百萬分別喺香港、澳門、馬來西亞同新加坡開設美妝店，每年營業額逾千萬元。據知，已為人妻嘅佢未有放棄演戲，繼續拍劇、生意兩邊走。昨日佢接受訪問時直認秘婚：「謝謝大家嘅祝福！我同我先生其實今年初已經喺外地結咗婚，但因為我先生係圈外人，所以想低調處理。（婚後會繼續幕前工作？）會，工作會同以前一樣，唔會有改變。」
之後仲喺自己社交網大曬婚戒及留言：「謝謝大家的祝福。」（楊秀惠IG）
撰文：黃蘊姿