《2019年香港小姐》今年9月8日正式誕生，三甲佳麗為冠軍黃嘉雯、亞軍王菲及季軍古佩玲。人氣網紅蔡嘉欣雖然當晚表現出色，表演空中絲帶舞令人拍案叫絕，對答環節又淡定，可惜最終未能打入三甲，令人大感失望。不過，嘉欣賽後表示自己雖然落敗，不過有意加入無綫做藝員，事關自己要養家，希望多努力工作，亦會兼顧網上時裝店生意。
昨日蔡嘉欣在Instagram動態上載照片，自爆正式在TVB開工，照片上的她正在化妝間準備，並寫上：「加入TVB後的第一份工作 ＃BLESSED 我會努力做好呢份工。#眼晴去旅行」雖然暫時未知節目是否叫「眼睛去旅行」，亦未知是甚麼類型節目，但嘉欣上載的講稿就見到寫住「主持：簡淑兒、蔡嘉欣」，原來是同「腰果眼女神」簡淑兒合作。
(圖片：蔡嘉欣IG )
(圖片：蔡嘉欣IG )
(圖片：蔡嘉欣IG )
嘉欣由參選開始，一直被指跟朱智賢撞樣，兩人在決賽當晚都有機會頭貼頭合照，的確好似樣，今次拍檔是簡淑兒，未知下次會否有機會讓嘉欣和朱智賢孖住上一齊做節目呢？其實娛樂圈有不少撞樣藝人，雖然是異父異母來自完全不相關的家庭，但外貌看上去好似孖公仔一樣，非常難得。
相關新聞：【香港小姐】(2) 蔡嘉欣吊半空技驚四座 (5) 王菲問答環節贏掌聲
(圖片：朱智賢Instagram)
湯洛雯 x 倪晨曦
湯洛雯湯駿業的姪女，參選時早已為人所知，所以未有報道是誰誰誰的「翻版」，反而她入行後，多次被錯認成美容服裝界KOL倪晨曦，一直被人指兩人似樣，後來一次化妝品牌力邀兩人合作，她們直情好似孖公仔一樣打扮，真的非常相似。不少網友笑言湯洛雯跟倪晨曦似姊妹多過跟真妹妹湯洛瑤，非常搞笑。
(圖片：湯洛雯IG)
(圖片：湯洛雯IG)
吳若希 x 陳庭欣
陳庭欣和吳若希好似大纜都扯唔埋，不過圈中好多人都認為兩人似樣，更多次被誤會成對方。早前資深前輩梁舜燕因病離世，吳若希說：「這幾次見到妳，妳每次都會像小孩那般雀躍地跟我說，『我分得到你同庭欣呀，你係若希！』，我會整蠱你，『唔係～我係庭欣呀！』然後妳又會笑得很天真問『係咩？哎呀我又搞錯啦』上次見你還約定一齊看首播。謝謝妳讓我在妳的記憶裏出現，謝謝妳為大家帶來溫暖，過些年那邊見啦Lily姐。」原來老人家經常都認錯兩人，成為她們相處之間的小故事，雖然Lily姐離開，但卻成為三人之間的美好回憶。
（圖片：陳庭欣IG)
(圖片：吳若希IG）
(圖片：陳庭欣IG)
李璧琦 x 謝雪心
可能是同樣都是短髮，李璧琦每次出場都令人想起謝雪心，特別是兩人都是斯文硬朗型格，感覺特別似。當然，心姐今年快將66歲，而李璧琦則滿41歲，兩人相差25年，幾乎可以演母女，不過心姐保養得非常好，而且頭腦精靈活潑，其實跟璧琦演兩姊妹都冇違和感啦！
相關新聞：不滿跟吳若希相提並論？ 張秀文：「我唔想同你同level呀」
（圖片：李璧琦Facebook)
(圖片：謝雪心Facebook）
(圖片：李璧琦IG)
撰文：楊安莉