最近熱播的劇集《金宵大廈》集奇幻、靈異元素於一身，情節緊湊又刺激，成功吸引觀眾追捧，除了蕭偉明（陳山聰飾）和Alex（李施嬅飾）的感情發展，在「金宵大廈」所養的黑貓「靚寶」同樣成為焦點，牠不時在最緊張的關鍵時刻突然出現，為劇情添加幾分靈異的感覺。「靚寶」深得劇中演員喜愛，李施嬅亦大讚「靚寶」又乖又聽話，是劇集「真正的男主角」。不過「靚寶」在明星貓的背後，原來隱藏了一段坎坷身世…
（TVB電視截圖）
（全部演員都好鍾意靚寶！IG圖片）
「靚寶」真名是Mavis，今年2歲，主人阿Me近日上《東張西望》接受訪問時講到貓咪身世，原來「靚寶」是混血兒，媽媽是暹邏貓，爸爸是英國短毛貓，因繁殖場錯配，才有「靚寶」出生。阿Me說：「繁殖場錯配咗，幾隻貓BB連阿媽一齊都唔要，就搵咗我朋友收養。佢（靚寶）其他兄弟姊妹都係銀灰色，係好靚嘅英短，唯獨得佢一隻係黑色。我當時一見到佢就覺得好可愛，因為我好中意黑色嘅嘢，加上當時貓媽媽奶水唔夠，所以Mavis兩個月大我就領養佢。」
相關新聞：《金宵大廈》靚寶2歲原名叫Mavis 同大狗同居和平共處
（阿Me日前上《東張西望》接受訪問，IG圖片）
接了Mavis回家後一個禮拜之後，牠還很瘦弱，之後更開始出癬，阿Me第一次養貓，又唔識點處理，見佢開始不斷掉毛 ，非常心痛。癬會傳染人。所以阿Me隻手同肚全部都有生癬，但阿Me無放棄養佢，用好多方法醫佢，那時每兩個鐘就要餵Mavis食營養劑，又定時食醫生開的藥，終於皇天不負有心人，Mavis的皮毛變番靚靚仔仔！
（IG圖片）
（一開頭成身都係癬，IG圖片）
阿Me經朋友介紹下首次為愛貓接拍《金宵大廈》演出，不少人讚「靚寶」在劇中很識做戲，原來阿Me都有方法氹佢，她接受《晴報》訪問時說：「拍嘢時我會用貓糧引佢。」又開玩笑：「又開玩笑：「平時佢中意黐住我，其實佢係『裙腳仔』！」
（得阿Me細心照顧，而家已經好番，IG圖片）
（好可愛！IG圖片）
除了「靚寶」，TVB劇集還有不少明星貓貓，如《一屋老友記》「肥仔」、《來自喵喵的妳》的「Miu Miu」、《當狗愛上貓》的 「Can Can」，都是「靚寶」的貓咪前輩，大家還記得牠們嗎？
《來自喵喵的妳》的「Miu Miu」（TVB電視截圖）
《當狗愛上貓》的 「Can Can」（TVB電視截圖）
《一屋老友記》「肥仔」（TVB電視截圖）
撰文：羅慧怡