林淑敏（Mandy）在社交平台上載多張愛犬「草草」的照片，並留言透露草草離世的消息。Mandy說：「多謝你15年多的陪伴，從你身上我學到蠢一點反而着數多，因為單純的性格最開心。拜拜啦！你永遠在我心裡，也會一直住在家裡。」草草這隻臘腸狗已經16歲高齡，幾年前耳仔聽力開始退化，直至最近他總是愛睡，又不肯進食，Mandy就知道情況不太好，她說：「無論如何，珍惜相處的時間，我會陪伴牠到最後。」
相關新聞：《愛回家》大小姐馬死落地行 展現香港人能屈能伸精神
草草陪伴Mandy多年，難免會不捨。(圖片：林淑敏IG）
草草係一隻臘腸狗。(圖片：林淑敏IG）
草草上天堂喇，Mandy一定好唔捨得。(圖片：林淑敏IG）
Mandy一向都愛錫小動物，多次呼籲大家以領養代替購買。(圖片：林淑敏IG）
Mandy接受《晴報》訪問，表示草草是在狗醫院離世，當時她有抱抱草草作告別。Mandy指草草天生是弱智，智商較低，可能因為這樣亦比較樂觀開心，沒有煩惱，才能夠活得特別長時間。Mandy10幾年前一次過收養草草3兄妹：草草、Popeye同花花，花花因心臟病離世；Popeye亦在較早前離開，3隻狗都曾經陪伴Mandy經歷事業高低，以及她當年的抗癌之路，感情特別深厚。Mandy閒時會帶草草去游水做運動，她回憶起有一次：「有次帶佢去游水，點知佢走去叼走人哋隻金毛尋回犬嘅雞仔玩具，真係大膽又鍾意玩。」
作為主人，Mandy認為有責任陪伴老狗走到最後時間。(圖片：林淑敏IG）
草草生前好鍾意游水。(圖片：林淑敏IG）
腳短短但游得好開心。(圖片：林淑敏IG）
草草個樣好可愛。(圖片：林淑敏IG）
Mandy的粉絲為她和草草畫了肖像漫畫。(圖片：林淑敏IG）
直至最近，草草因為年紀大開始出現大大小小的老人病，Mandy見牠努力擺尾，知道牠仍然非常樂觀，所以絕對不想放棄，她說：「草草過去連日來都要留院吊鹽水，因為佢唔肯食嘢，我唔捨得就咁打支針畀佢走，生命就係咁無奈，不過都要接受現實。開頭拍《愛回家之開心速遞》嘅時候，都諗過搵草草演大小姐隻Nikita，不過有時見拍劇都真係幾辛苦，所以唔捨得佢辛苦。」問到Nikita是誰的狗？Mandy說：「Nikita係好多好多隻狗，基本上每拍一次都換一次，有時係男，有時係女，有集講佢生BB，但當時隻Nikita係男仔，所以拍攝時我點都要遮住佢重要部位唔可以穿崩。」
Mandy宣布草草死訊後，好拍檔許家傑都留言說：「佢一定好開心呢15年嘅時光」。而家傑亦有多陪伴愛犬「樂樂」，星期日仲帶埋這隻金毛尋回犬去跑步行山。
相關新聞：《愛回家》覓雪琴室都要壽終正寢？ 大小姐爆喊精彩演出 原來佢讀...
家傑假日特別帶樂樂去行山。(圖片：許家傑IG）
撰文：楊安莉