《金宵大廈》有個很特別的角色─林若思，他癡情於Coco（李施嬅飾演），親眼目睹Coco與劉旭輝（陳山聰飾演）由拍拖到死亡，途中將Coco夢到未來的情境寫成書。50年來，他一直留守在金宵大廈的書店，見到與Coco容貌一樣的空姐Alex逐步應驗書中內容。飾演老年林若思的劉江演繹時沉穩成熟，至於年少版的張彥博又會如何演出？《金宵大廈》播出至今反應極佳，張彥博如能彈起就算做苦盡甘來，事關他曾經歷過坎坷日子...
(《金宵大廈》電視截圖)
(《金宵大廈》電視截圖)
窮到餐餐食麵兼借錢搭車 信仰打開光明之路
張彥博未入行前做過IT部職員、茶餐廳侍應、救生員及派傳單，收入只得6,000港元一個月，逾半人工用於租金，扣減水電煤、電話費，連3餐都成問題。張彥博接受傳媒訪問時說：「銀包連100蚊都冇，食魚蛋同燒賣當正餐，又試過成個月每日食3餐公仔麵，食到入咗醫院，成個人瘦到塊臉凹晒，中咗毒咁！ 我發誓唔再食即食麵！」
2005年，張彥博與馮嘉輝、伍德耀組成赤子樂隊Akago，3年間負責做伴唱及鼓手卻沒有人工，要靠教樂器維持生計，張彥博說：「冇錢喺戶口，撳唔到出嚟，搭車都要問人借。」儘管媽媽會放車馬費在枱上，讓張彥博滿足生活基本需要，不過他卻為身無分文的情況自卑，曾有輕生念頭。最終樂隊維持4年便解散，張彥博由歌手到為餐廳舞台表演者set樂器，在這時期，張彥博曾覺得作品無人欣賞，好彩因演唱基督教歌曲得救。
(TVB電視截圖)
入TVB追夢卻飛落街傷頸椎 捱痛4個月重生
2011年，張彥博參加《變身男女chok chok chok》扮女人，得到網民讚賞，加入TVB。
(《變身男女chok chok chok》電視截圖)
▼有人話好似韓星宋智孝
(張彥博instagram、韓國電視台截圖)
直至在《一屋老友記》飾演細寶，因為直播彈結他，大show音樂天分終於爆紅。上年《跳躍生命線》熱播，張彥博飾演救護員雄姐，在唐樓倒塌意故殉職，令觀眾為之動容。不過人氣急升背後卻有沉重代價，張彥博透露拍攝時要做廠景爆破，之後要在實景拍攝飛落街部分，期間不慎整傷頸椎：「起初繼續開工，瞓醒右手無晒感覺，睇醫生原來成條頸椎歪咗，做咗好多(次)物理治療，抖咗4個月先好番。」
(《一屋老友記》電視截圖)
(《跳躍生命線》電視截圖)
(《跳躍生命線》電視截圖)
工作量愈來愈多，張彥博亦成功舉行演唱會。難得達成夢想，他很感觸：「啱啱學識自彈自唱，商場舞台得3個位，依家台下企到3000人」，他更特別感謝蔣志光：「佢係第一個同我講可以繼續唱歌嘅人，《圓缺》呢首歌係佢鼓勵我先做到出嚟。」如今張彥博又將本來是置業首期的6位數字儲蓄用來推出3首新歌，接下來亦會到馬來西亞錄歌。人紅卻無自滿，更不斷挑戰自己，張彥博認真有心！
(YouTube截圖)
撰文：張芷晴