【明星老闆着數啲？】陳妙瑛急流勇退轉行身家過億王君馨首飾生意兩年玩完

發佈時間: 2019/09/19

唔少藝人都會做生意作為副業，多一個渠道增加收入，有啲甚至將副業變埋正職，愈做愈好，最後更退出娛樂專心做生意。雖然近日市道低迷，但唔少藝人舖頭嘅生意都依然穩步上揚，甚至逆市擴充，到底藝人做老闆喺明星效應下係咪特別着數？

陳豪出名係圈中嘅咖啡王子，仲創立自家品牌咖啡，之前只可以喺pop-up store或美食節先有機會嘆陳豪牌咖啡，但依家陳豪嘅首間實體咖啡店「Blooms Coffee」已經喺尖沙咀旺舖開幕，陳豪仲會親自落舖打點，應該吸到唔少Fans去品嚐陳豪嘅招牌手沖咖啡。（陳豪Facebook）

楊明2018年同好友合資喺荔枝角開設燉湯店，近期再投資7位數字開第三間分店。佢豪言目標係分店遍布全港十九區。(ig圖片)

蕭潤邦賣生煎包賣到風生水起，當年冇做歌手離開香港去上海，由低做起學整生煎包。冇人工學師兩年，由搬麵粉，到搓麵粉，至真係做生煎包。短短9年已經喺香港擁五間分店。(江若琳ig)

江若琳都跟老公蕭潤邦學做生意，上年5月開咗佢人生嘅第一間麵舖。(江若琳ig)

余文樂2014年創立自家潮牌「MADNESS」，品牌充滿他本人的特色和風格，吸引唔少粉絲追棒，帶挈佢豬籠入水。（余文樂ig）

張敬軒舊年開設「仙后餐廳」好評如潮，近日他再開設西餐酒廊「The Crown」，上月亦開始試業。「仙后餐廳」仲好揼本請嚟國際米芝蓮三星大廚 Bruno。（張敬軒ig）

「仙后餐廳」的裝修不惜工本，Sell格調同質素，大受歡迎！（張敬軒ig）

（東星娛樂）

陳妙瑛2002年離開無綫，現為健康國際有限公司行政總裁，建立健康、飲食、美容事業，仲成立咗Beauty Tech美麗藝術化妝髪型美容學府，變身商界女強人，依家手揸過億物業。

（東星娛樂）

KiKi麵店早在1991年已於台灣開設餐廳，近年因為同舒淇合作而廣為大家熟悉，KiKi麵餐廳現於台灣有5間分店，今年更先後於上海和香港開設分店。近月登陸香港店舖設於ifc‪商場。KiKi麵有勁多明星加持，貨品喺香港首賣時好快已經賣斷市。

（東星娛樂）

周秀娜2015年成立自家內衣品牌仲自己做生招牌，起步時氣勢如虹獲美國金主睇中注資五千萬港元，娜姐當時更豪言希望三年內上市。

（東星娛樂）

不過原來佢3年前已經同諗法唔一致嘅拍檔結束合作關係。娜姐就話冇損手，回本之餘還有賺少少錢，後來因為怕冇時間兼顧，而且香港租金太貴，所以退出，都沒做再做代言。

（王君韾ig）

王君韾16年與朋友投資七位數字搞首飾生意，仲做埋model同其他藝人朋友力sell產品，生意更一度擴展到馬來西亞。不過，上年王君馨宣布結束其品牌生意，品牌就用另一個名繼續運作，官方ig指王君馨要專心發展演藝事業所以退股。

精油頸鏈一推出嘅時候大受歡迎。（王君韾ig）

（王君韾ig）

撰文：黃蘊姿

最新文章