以奇幻懸疑為題材的新劇《金宵大廈》，將於下周播映。劇集由10個單元組成，以主角陳山聰與李施嬅嘅感情線貫穿全劇。
（陳山聰微博）
（《晴報》圖片）
劇中飾演大廈保安嘅山聰首次擔正做男一。佢表示對收視冇壓力，因為已經享受咗拍攝過程，又話劇集題材偏鋒，有擔心過劇集會出唔到街，所以有得播已經好開心：「第一次做男一當然開心，亦好多謝監製、編審支持，幫我爭取好耐我先有機會拍到。」就快結婚嘅佢話婚禮一切從簡，只會邀請10圍親戚同最好嘅朋友參與，依家山聰正忙於拍新劇《大步走》，婚禮交畀太太全權安排。
新劇中飾演大廈保安。（陳山聰微博）
今日事業愛情兩得意嘅佢曾被稱為「四失」中年，即係失戀、失業、失財、失形象，先係被指棄糟糠前妻Ponny追求賭王掌上明珠何超雲，成功與超雲「撻着」後經常開工遲到、no show，為陪女友不惜犧牲工作，分手時更突然放低手頭上工作，飛去英國「箍煲」！
何超雲與陳山聰。（東星娛樂）
情同姊弟嘅好朋友伍詠薇當年都同陳山聰鬧翻，山聰被傳態度十分惡劣。何超雲其後於微博上載「Love=Money」字眼後主動同佢分手，形象直插谷底。
伍詠薇與陳山聰。（東星娛樂）
高峰期暴脹到195磅嘅山聰當時乜都冇晒，自覺無面見人，一直避喺屋企，只有夜晚出去跑步。陳山聰係家中孻仔，以前嘅佢唔肯聽父母嘅說話，但喺呢段人生低谷嘅日子，佢深深感受到一家人毫無保留地支持他，幫助佢重新站起來。
陳山聰（右）與哥哥陳山海。（陳山聰微博）
尤其係佢嘅哥哥陳山海勉勵佢：「你要向前行!」走到無力的陳山聰反問哥哥：「怎樣向前行？」哥哥答：「你左腳放下，右腳踏前就可以向前走」。哥哥嘅意思就是繼續向前行，為咗唔好要父母擔心自己，山聰痛定思痛，重新振作。
哥哥陳山海（右二）陪佢上山下海！（陳山聰微博）
（陳山聰微博）
現任女友Apple完全冇介意山聰嘅過去，為了山聰嘅事業，Apple一直冇要求公開戀情，非常低調，令陳山聰可以專心開工賺錢，女友的體貼令山聰多一份信心重新做人。山聰於2013年同超雲分手，要洗底一啲都唔容易，喺事業上默默耕耘，平日消遣都係運動多，同花邊新聞絕緣。
陳山聰與現任女友Apple。（東星娛樂）
終於喺2017年《萬千星輝頒獎典禮》，山聰憑劇集《同盟》獲得「最佳男配角」，今年仲首次做男一，山聰都可以話係一個傳奇！
（陳山聰微博）
撰文：黃蘊姿