處境劇《愛回家之開心速遞》大受歡迎兼收視好，近日正式宣布添食至900集，劇本內容愈來愈豐富之餘，人物角色亦都愈來愈多和廣闊。前陣子交代龍力蓮（林淑敏飾）為愛而放棄榮華，與送水輝（許家傑飾）遠走高飛，離開接龍集團，財務部的兩位大臣錦松（劉家聰飾）和俊華（羅鴻飾）始出現，他們表達出習慣了大小姐的高壓管治，接受不到雷珍妮（陳偉琪飾）的放任政策，非常搞笑。特別是飾演俊華的羅鴻，除了名字跟前財政司司長曾俊華雷同外，外表都扮到一模一樣，戴上假白髮，又貼上鬍鬚，跟曾俊華似到十足十。
羅鴻（右）在劇中跟劉家聰拍住上負責財務部。(圖片：《愛回家之開心速遞》電視截圖)
早前雷珍妮打算雞髀打人牙骹軟，用福利利誘兩人支持她。(圖片：《愛回家之開心速遞》電視截圖)
沒想到錦松和俊華都是工作狂。(圖片：《愛回家之開心速遞》電視截圖)
兩人對大小姐龍力蓮表達思念之情。(圖片：《愛回家之開心速遞》電視截圖)
羅鴻其實曾先後6次客串《愛回家》，分別演過攝影師、富豪、神醫、譚冠等等，但都只是「一集限定」的客串角色，直至「俊華」才正式成為固班角色。羅鴻接受《晴報》訪問，他表示：「係呀，之前拍過幾集，演嘅角色都比較散，今次算固定啲，係連戲嘅角色，叫俊華。其實我喺加入無綫已經足足41年，一直都係兼職演員，外面有穩定工作，剛好時間配合到，就一直拍足咁多年，舊年無綫藝員部經理通知我，畀機會我簽約，可能見我做咗咁多年，總算盡心盡力去演，剛好我又退休，就簽約成為全職藝員。」羅鴻表示退休前在香港理工大學做資訊科技的工作，一做就做足30幾年，好多理工大學畢業生和學生都認得他，他說：「雖然我演戲，好多角色都無名，但大家都認得我係TVB藝員，我係邵氏訓練班畢業，之後一直都喺無綫拍劇。」
相關新聞：《街坊財爺》由龍家闊太變中性跟班 樊亦敏率先劇透角色感情線
羅鴻出席無綫舉辦「九月星辰」的派對。(《晴報》圖片)
羅鴻在無綫服務41年，去年正式成為合約藝人。(《晴報》圖片)
除了理工大學的正職外，羅鴻皮膚黑黑實實，其實跟他的興趣大有關係，他曾經是HKFA（香港足球總會）的國際足球球賽裁判，現時已經退下火線，主力為街場的比賽作裁判，保持一定的運動量，難怪身材仍然好弗。羅鴻表示去年簽約後，一直都有不少劇集的拍攝工作，他說：「嚟緊有幾套劇一齊拍，《愛回家》、《大步走》、《逆天奇案》、《木棘証人》和一套劉家豪的新劇，我哋呢類演員，最重要係多勞多得，演咩都冇所謂，有時出一集就死，我照演都係想贏取經驗，自己興趣是演戲，所以幾辛苦都係開心。」
羅鴻雖然已經退休，但仍然活躍於足球界。(《晴報》圖片)
撰文：楊安莉