現時流行「呃Like」文化，修圖放上網已成為風氣和潮流。昨晚（2/9）那集《東張西望》找來多位吸金力強的網紅，深入了解P圖背後的心態，其中一位是陳冠希舊愛謝芷蕙Cammi。由以前被指似足張學潤NelNel，到近年Cammi的眼睛變得超大，下巴極尖，彷彿進化一樣，加上生活突然富貴，經常穿戴過百萬名牌，自成為網民熱話。《東張》女主持特地帶Cammi到街上做對比實測，難得見到Cammi真人，市民居然完全認不出！
（Cammi難得現真身，影片截圖）
（出街實測，有市民讚她真人靚過上鏡，影片截圖）
（亦有人話完全認不到Cammi，影片截圖）
相關新聞：陳冠希舊愛Cammi變靚全靠一招 成枱金牛為「老公」慶生化身富豪
一開始Cammi自信滿滿地稱街坊一定認到自己，女主持拿着P過圖的相做對比，不少市民則直言認不到Cammi，指「對眼有啲唔似」，有位女士更面有難色，說：「成個人都唔似樣」，搞到Cammi非常委屈：「我覺得係髮型同化妝問題，我好用心P圖㗎！」不過亦有市民讚她「真人比較好睇」，根本不用修圖，但Cammi解釋：「身邊都有朋友覺得我P圖過分咗，唔似我本人，真人生動啲。但我鍾意P咗圖嘅自己，可以滿足到自己，所以我都會繼續P！」
（P圖後的Cammi，微博圖片）
（微博圖片）
除了Cammi之外，《東張西望》亦找來另一位直播界網紅宣娜Sheena，她指自己本身的顏值只有30分，化妝後有70分，再加上直播的濾鏡，美貌就有90幾分，所以她在網上直播時一定會P圖，但Sheena明言這不是「騙局」，因為五官的變動不大！她更試過直播一晚收禮物收到手軟，收港幣接近80萬、跟網上平台分佣後也能穩袋約30萬！
（Sheena化妝前後，影片截圖）
（Sheena FB圖片）
Cammi不斷進化變樣
Cammi初出道時被指跟時裝達人NelNel張學潤撞樣，娛樂性十足，之後她不斷進化，擁大眼、瓜子臉，除了P圖技術好，她坦言自己2013年去韓國做了$18,000港元7針吊線雙眼皮，打過2次透明質酸以改善面形。她說之後也想抽脂隆胸，愈變愈靚。
（2011年，東星娛樂）
（2012年，東星娛樂）
（2016年，東星娛樂）