在處境劇《愛回家之開心速遞》中飾演「群姐」的資深演員許思敏，雖然小小角色開頭戲份不算多，但她每次都付出百分百努力去演出，為網友和電視迷們留下深刻的印象，早前更被選為《愛回家》女神冠軍，許思敏的人氣便隨之上升，網友亦發揮催谷的力量，成功「集氣」推歐陽震華於《愛回家》客串兩集，兩集入面都是以歐陽波比同群姐的戲份為主，絕對滿足了所有電視迷的願望。該兩集的收視成績亦非常好，以32.3點成為《愛回家》之冠。
相關新聞：《愛回家》單集收視創高峰32.3點 歐陽波比下次想亂入......
{{hket:inline-image name="YES1.jpg"}}{{/hket:inline-image}}
許思敏在劇集中演「群姐」生動又鬼馬，大受歡迎。(圖片：《愛回家之開心速遞》電視截圖)
「群姐」許思敏愈來愈受歡迎，連帶廣告商都紛紛找她合作，過去有電器店、健康產品、商場等都找她拍廣告，許思敏密密接工作，絕對是豬籠入水。昨日她為酒店舉行的婚禮展覽行Catwalk騷，她打扮到靚一靚，換上兩個不同的新潮「奶奶」造型示人，更腳踏高跟鞋，跟在「接龍集團」擔任清潔工、身穿黃綠色風衣外套的形象相差甚遠。群姐育有三名兒子，早就已經做過三次奶奶，不過今次身形弗好多，打扮起來她都非常開心，她說：「我好緊張，因為行條路好長，搞到有啲熱囉，同埋啲衫比較窄身，我實在要減吓肥，（比之前瘦咗？）係，其實我已經瘦過之前，不過我真係好鍾意食嘢，冇得減。」身旁的小花女原來是群姐的孫女，叫Ｍercury Leung，今年7歲，見到傳媒影相都亳不怯場，非常淡定，群姐說：「之前我同佢母親節影過一輯相，大會覺得好好，就邀請埋佢一齊行Catwalk，真係第一次，好開心。」
相關新聞：《愛回家》群姐賣湯包囝囝現身？ 「群腳仔」原來大有來頭...
{{hket:inline-image name="69764379_492676791292006_8123520625626054656_n.jpg"}}{{/hket:inline-image}}
群姐同孫女一齊行Catwalk騷，認真Sweet！(《晴報》圖片)
{{hket:inline-image name="69292309_348456249369915_8132197511830962176_n.jpg"}}{{/hket:inline-image}}
7歲孫女Mercury非常淡定又可愛。(《晴報》圖片)
群姐直言人氣升，連帶工作量都增加。(《晴報》圖片)
群姐今年接廣告接到手軟，可謂豬籠入水。(《晴報》圖片)
群姐笑言自己做過三次奶奶，當時都是身穿旗袍，今次雖有別於以往是以西式長裙示人，不過同樣都勾起不少回憶，她笑言：「當年啲仔擺酒，我要忙住招呼賓客，真係唔係咁享受，今次係做嘢反而輕鬆得多，又有孫女陪住。」提到她人氣旺連帶工作量都大增，群姐笑言：「的確係多咗廣告，錢都賺多咗，多謝大家支持！我自己希望繼續做好『群姐』呢個角色，將來有咩新角色畀我，我都好樂意試呀，因為我真係好鍾意拍戲。」
群姐笑言禮服窄窄地，令她呼吸困難。(《晴報》圖片)
第一次行Catwalk一邊行一邊揮手，群姐認真風騷。(《晴報》圖片)