每次提到《愛回家之開心速遞》的消失角色，好多讀者都會留言話好掛住「傻強」（馮奕森飾），到底傻強近況如何呢？近日在Anita(梁茵飾)和池美麗（鍾凱琪飾）的IG見到大批學生相，相中大合照見到傻強的蹤影，似乎係拍攝，見到傻強髮型再不是冬菇頭，但同樣都是黑色粗框眼鏡，仍然傻味十足，加上見到他用麻繩掛住四卷廁紙喺頸，真係單睇相都覺得搞笑！美麗留言說：「連續兩日工作都好開心，青春回憶返晒嚟，估你唔到組合！」
莫非...莫非傻強喺西伯利亞返咗香港？莫非佢終於回歸劇組？不過照片中，見到傻強、Anita同池美麗都著校服，似係係中學場景，而且仲有好多《愛回家》香港島大學學生，包括書蟲（林浩文飾)、頭皮（吳卓衡飾）、氹仔等等，不過《愛回家》入面佢哋全部唔同線，點解會同場出現呢？
好多熟悉的面孔。（圖片：梁茵IG)
傻強點解會同Anita同池美麗做同學？(圖片：梁茵IG）
相關新聞：《愛回家》2分鐘新片洩露秘密 細龍太 博士 七大失蹤角色回歸？
有份參與拍攝的鍾凱琪接受《晴報》電話訪問，她表示今次是為無綫拍攝網劇，跟《愛回家》無關，她說：「成個故事好好玩，大家返學返得好開心，成班演員都係傻呀！」她直言非常期待今次的播出，這個網劇絕對有驚喜。
美麗演學生都幾似。（圖片：鍾凱琪IG）
成班演中學生又無乜違和感。（圖片：梁茵IG)
傻強咩事要掛住咁多廁紙？(圖片：鍾凱琪IG）
Anita無論做OL定學生都一樣咁貪靚。(圖片：鍾凱琪IG）
其實傻強的角色於第506集因無意中得到獎學金而赴西伯利亞讀大學，隨後都一直未有重返劇組，有傳他因為有份拍攝的劇集在ViuTV播放而被無綫雪藏，而期間他亦在不少電影中參與演出，雖然今次傻強唔係《愛回家》出現，不過同一班熟悉面孔再次一齊開工，無論演員同觀眾都會好期待。
{{hket:inline-image name="43595144_329706610919221_4968996878405393631_n.jpg"}}{{/hket:inline-image}}
傻強，你幾時返《愛回家》呀？（圖片：馮奕森IG)