8月29日Do姐鄭裕玲在社交網曬出合照，跟圈中好友顧紀筠（顧老闆）、宣萱、劉曉彤（Belle）和丘凱敏（Anna）開心聚會，原來是她們生日相差不遠，於是幾個齊齊慶祝生日。聚會上還有現在很流行的造型蛋糕，其中一個更是Do姐最愛韓團BTS與LINE聯乘推出的BT21公仔造型，玩得又食得，搞到Do姐在影片笑得好開心！而照片裡顧紀筠也引起討論，事關現年56歲的她保養得好好，還很漂亮，絕對是「完美凍齡」！
（Do姐同好朋友開心慶祝生日，IG圖片）
（顧紀筠keep得好好呀！IG圖片）
（仲有Do姐最愛的BTS蛋糕，IG圖片）
顧紀筠在90年代曾在麗的電視和亞視做主持，偶然亦拍電視劇，但近年已鮮有露面幕前，淡出娛樂圈，轉戰向商界發展，並有出版散文集，文筆不錯，絕對是才女一名。顧紀筠經歷過兩段婚姻，與前夫育有一子。當年她年紀很小，只得廿歲出頭，不知伴侶應有的條件，而前夫幾斯文、乖仔又細心，顧紀筠沒多想便跟他結婚移民加拿大。可惜在當地人工只得香港的五分之一，加上同前夫相處好同住難，顧紀筠在當地儲不到錢，工作環境又不理想，便和兒子回流香港，慢慢發覺同前夫距離愈來愈遠，最後離婚收場。
相關新聞：笑匠劉曉彤退娛圈成幸福媽媽 直腸直肚曾同宣萱姊妹反目
（顧紀筠為朋友的書寫序，IG圖片）
曾失婚的顧紀筠好長時間對愛情不敢抱有期望，直至老公陳仕偉出現，出動猛烈攻勢追求她，才慢慢考慮再婚想法，她說：「估唔到上天仲安排咗另一段姻緣畀我，佢有兩個小朋友，我自己都有一個兒子，我哋兩個相處問題唔太大，但兩個家庭要磨合唔容易，我要做好stepmother（繼母）。」
（顧紀筠與家人，IG圖片）
老公陳仕偉的兒子陳浚霆是藝人，14年參加TVB的《超級巨聲》入行，《愛回家》「風少」一角最令人記憶深刻。陳浚霆亦曾大讚顧紀筠，小時候有甚麼重要事都會和她講，而顧紀筠又好支持他的每個決定，是個100分媽咪。他說：「喺我成長過程中，媽咪真係好重要，喺學校發生咩事，例如我讀書時成日唔小心拗柴、扭傷腳，都係打電話同佢講，佢次次都不厭其煩陪我去睇跌打。記得個時她仲要返電視台，其實好忙，佢真心關心我，完全pick up到媽咪嘅role！」
相關新聞：揭《愛回家》Out人唔留情 陳浚霆怒斥：一個騷都唔畀我
（好多人都想陳浚霆返《愛回家》做「風少」！圖片來源：TVB）
（IG圖片）